قازاقستاندا اقپان ايى وتەۋسىز قان دونورلىعى ايى بولىپ جاريالاندى، دەپ حابارلايدى Aqshamnews.kz ءتىلشىسى. وسى باستاما اياسىندا دەنساۋلىق ساقتاۋ ءمينيسترى اقمارال ءالنازاروۆا ءوزى دە دونور بولىپ، قان تاپسىردى.
دەنساۋلىق ساقتاۋ مينيسترلىگىنىڭ مالىمەتىنشە، ەلىمىزدە جىل سايىن 180 مىڭعا جۋىق ازامات دونور رەتىندە قان تاپسىرادى. دونورلاردان الىنعان قان شامامەن 80 مىڭ ناۋقاسقا قۇيىلادى.
ۆەدومستۆو اتاپ وتكەندەي، باستاما ەرىكتى ءارى وتەۋسىز دونورلىق مادەنيەتىن دامىتۋعا، سونداي-اق قوعامدا جاۋاپكەرشىلىك، ءوزارا كومەك پەن گۋمانيزم قۇندىلىقتارىن نىعايتۋعا باعىتتالعان.
مينيستر اقمارال ءالنازاروۆا وسى اكسياعا جەكە ءوزى قاتىسىپ، قان تاپسىرۋ ارقىلى ازاماتتاردى دونور بولۋعا ۇندەدى.