الماتى ءماسليحاتىنىڭ سەسسياسىندا قالا اكىمى دارحان ساتىبالدى مەملەكەت باسشىسى قاسىم-جومارت توقايەۆتىڭ قابىلداۋىندا بولعانى تۋرالى دەپۋتاتتارعا ايتتى. كەزدەسۋ بارىسىندا الماتىنىڭ ودان ءارى دامۋىنا قاتىستى ناقتى تاپسىرما بەرىلگەنىنە توقتالدى. سونداي-اق، پرەزيدەنتكە قالانىڭ قازىرگى الەۋمەتتىك-ەكونوميكالىق جاعدايى باياندالىپ، الداعى جۇمىستىڭ نەگىزگى باعىتتارى ايقىندالدى.
باسىم باعىتتاردىڭ قاتارىندا ەكونوميكانى ءارتاراپتاندىرۋ، ەكولوگيالىق احۋالدى جاقسارتۋ، تۇراقتى كولىك جانە تۋريستىك ينفراقۇرىلىمدى دامىتۋ، جايلى قالالىق ورتا قالىپتاستىرۋ جانە تۇرعىنداردىڭ تۇرمىس دەڭگەيىن ارتتىرۋ بار.
الماتى اكىمى قويىلعان مىندەتتەردى جۇزەگە اسىرۋ جۇمىستارى دەپۋتاتتىق كورپۋسپەن تىعىز ءوزارا ءىس-قيمىل نەگىزىندە جۇيەلى ءارى كەزەڭ-كەزەڭىمەن جۇرگىزىلەتىنىن اتاپ ءوتتى.
سەسسيا بارىسىندا ەلدە جۇرگىزىلىپ جاتقان كونستيتۋسيالىق رەفورما ماسەلەسىنە دە باسا نازار اۋدارىلدى.
باسىم باعىتتاردىڭ قاتارىندا ەكونوميكانى ءارتاراپتاندىرۋ، ەكولوگيالىق احۋالدى جاقسارتۋ، تۇراقتى كولىك جانە تۋريستىك ينفراقۇرىلىمدى دامىتۋ، جايلى قالالىق ورتا قالىپتاستىرۋ جانە تۇرعىنداردىڭ تۇرمىس دەڭگەيىن ارتتىرۋ بار.
الماتى اكىمى قويىلعان مىندەتتەردى جۇزەگە اسىرۋ جۇمىستارى دەپۋتاتتىق كورپۋسپەن تىعىز ءوزارا ءىس-قيمىل نەگىزىندە جۇيەلى ءارى كەزەڭ-كەزەڭىمەن جۇرگىزىلەتىنىن اتاپ ءوتتى.
سەسسيا بارىسىندا ەلدە جۇرگىزىلىپ جاتقان كونستيتۋسيالىق رەفورما ماسەلەسىنە دە باسا نازار اۋدارىلدى.
«ۇسىنىلىپ وتىرعان كونستيتۋسيا جوباسى قازاقستاننىڭ زاماناۋي كەلبەتىن ايقىندايدى، حالىق بيلىگىن نىعايتادى، قۇقىق پەن بوستاندىقتى قورعاۋ تەتىكتەرىن جەتىلدىرەدى، سونداي-اق اشىق ءارى ءتيىمدى مەملەكەتتىك باسقارۋ جۇيەسىن قامتاماسىز ەتەتىن جاڭا ينستيتۋتتاردىڭ نەگىزىن قالايدى»، — دەدى دارحان ساتىبالدى.
ول كونستيتۋسيالىق رەفورمالاردى قولداۋ - ەلدىڭ بولاشاعى مەن كەلەر ۇرپاق الدىنداعى ورتاق جاۋاپكەرشىلىك ەكەنىن اتاپ، دەپۋتاتتاردى حالىق اراسىندا ءتۇسىندىرۋ جۇمىستارىن بەلسەندى جۇرگىزۋگە شاقىردى.