دەنساۋلىق ساقتاۋ ءمينيسترى اقمارال ءالنازاروۆا قازاقستاندىق فارماسيەۆتيكالىق كومپانيالاردىڭ وكىلدەرىمەن جانە نەگىزگى ديستريبيۋتورلارمەن 2025 جىلعا ارنالعان دارى-دارمەكتەر مەن مەديسينالىق بۇيىمداردى ساتىپ الۋ ماسەلەلەرى بويىنشا كەڭەس وتكىزدى.
ۆەدومستۆو باسشىسى دەنساۋلىق ساقتاۋ شىعىستارى ەلدىڭ الەۋمەتتىك-ەكونوميكالىق ساياساتىنىڭ نەگىزگى كورسەتكىشى بولىپ تابىلاتىنىن اتاپ ءوتتى، دەپ حابارلايدى aqshamnews.kz دسم-نە سىلتەمە جاساپ.
”مەملەكەت بارلىق ازاماتتار ءۇشىن مەديسينالىق كومەك پەن دارى-دارمەكتىڭ قولجەتىمدىلىگىن قامتاماسىز ەتۋگە ۇمتىلادى. ساتىپ الۋ ناۋقانىن باستاماس بۇرىن، ءوندىرۋشى بەلگىلەگەن دارى-دارمەك باعاسى قولايلى جانە قولجەتىمدى ەكەنىنە كوز جەتكىزۋ ماڭىزدى. بۇل رەتتە جەرگىلىكتى ديستريبيۋتورلاردىڭ ۇستەمە باعاسى رەگرەسسيۆتى ۇستەمە شەكتەردە قالۋى ءتيىس"، - دەپ اتاپ ءوتتى اقمارال ءالنازاروۆا.
"سق-فارماسيا" ج ش س دەرەكتەرى بويىنشا ءبىرىڭعاي ديستريبيۋتور ساتىپ الۋدى ۇزاق مەرزىمدى شارتتار، تىكەلەي كەلىسىمشارتتار، حالىقارالىق ۇيىمدار مەن تەندەرلەر ارقىلى جۇزەگە اسىرادى. تەندەر جانە وتاندىق وندىرۋشىلەرمەن ۇزاق مەرزىمدى شارتتار بويىنشا ساتىپ الۋ ۇلەسى 88%-دى قۇرايدى.
كونكۋرستىق راسىمدەردىڭ قورىتىندىسى بويىنشا وتكەن جىلى شامامەن 21.5 ملرد. تەڭگە ۇنەمدەلدى، اعىمداعى جىلى ۇنەمدەۋ سوماسى 50 ملرد.تەڭگەگە دەيىن ۇلعايتىلدى. دەگەنمەن، گەنەريالىق نەمەسە بيوۇقساس پرەپاراتتاردىڭ باعاسى باستاپقى دارى-دارمەكتەردىڭ قۇنىنان اساتىن جاعدايلار بار. مينيسترلىك مۇنداي جاعدايلاردى جويۋ جانە باعا جۇيەسىن جاقسارتۋ بويىنشا جۇمىستى جالعاستىرۋدا.
ساتىپ الۋداعى وتاندىق ءونىمنىڭ ۇلەسىن ۇلعايتۋ ءۇشىن 10 جىلعا دەيىنگى مەرزىمگە ۇزاق مەرزىمدى شارتتار جاساسۋ بويىنشا قولداۋ شاراسى كوزدەلگەن. دەگەنمەن، بارلىق وندىرۋشىلەر مەن ديستريبيۋتورلاردىڭ بارلىعى بىردەي جەڭىلدىكتەر بەرمەيدى.
دەنساۋلىق ساقتاۋ ءمينيسترى فارماسيەۆتيكالىق كومپانيالاردىڭ وكىلدەرىن الەۋمەتتىك جاۋاپكەرشىلىكتى كورسەتۋگە جانە باعانى تومەندەتۋگە قايتا قاراۋعا شاقىردى.
ۆەدومستۆو ساتىپ الۋ پروسەسىن وڭتايلاندىرۋ جانە بارلىق ازاماتتار ءۇشىن دارى-دارمەكتەردىڭ قولجەتىمدىلىگىن قامتاماسىز ەتۋ بويىنشا جۇمىستى جالعاستىرۋدا.