اتا-انالار بالاسىنا ورازا ۇستاۋعا رۇقسات بەرەر الدىندا جەتكىنشەكتەردىڭ دەنساۋلىعىنا ەرەكشە ءمان بەرۋى كەرەك.
دەنساۋلىق ساقتاۋ ءمينيسترى اقمارال ءالنازاروۆا بالالاردىڭ اۋىز بەكىتۋىنە قاتىستى وسىلاي دەدى، دەپ حابارلايدى Almaty-akshamy.kz.
«جالپى العاندا، بالانىڭ اعزاسى تەز وسەدى جانە كۇندەلىكتى كوپ ەنەرگيا جۇمسايدى. سوندىقتان وسى ەنەرگيانى ۋاقىلى تولىقتىرىپ وتىرۋى كەرەك. اتاپ ايتقاندا، ءاربىر اتا-انا بالالارىنىڭ دامۋىنا قاتىستى ماسەلەنى ءتۇسىنۋى كەرەك. بالانىڭ دەنساۋلىعى ءۇشىن ۋاقىتىلى، ساپالى ءارى تەڭگەرىمدى تاماقتانۋى وتە ماڭىزدى دەپ ەسەپتەيمىن»، - دەدى ا. ءالنازاروۆا پارلامەنتتە وتكەن جيىننان كەيىن تىلشىلەر سۇراعىنا جاۋاپ بەرە وتىرىپ.
بۇل رەتتە ول جاسوسپىرىمدەردىڭ دەنساۋلىعىنا ەرەكشە قاراۋ كەرەك ەكەنىن ايتتى.
«مەنىڭ ويىمشا، بالانىڭ جاس ەرەكشەلىگىن نازارعا الۋ كەرەك. ءار اتا-انا بالاسىنا رۇقسات بەرسە، بۇل ءوز وتباسى ىشىندەگى جەكە ماسەلەسى ەكەنى تۇسىنىكتى. ءبىراق بالا بەلگىلى ءبىر جاسقا دەيىن دۇرىس تاماقتانۋ كەرەك دەپ سانايمىن. مەنىڭ ويىمشا، 16-17 جاسقا دەيىن، ياعني بارلىق ورگاندارىنىڭ تولىق قالىپتاسۋىنا ءمان بەرۋ كەرەك»، - دەدى مينيستر.