مەملەكەت باسشىسى قاسىم-جومارت توقايەۆتىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى قازاقستان حالقىنا جولداۋىن قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ ۇجىمى دا جان-جاقتى تالقىلادى.
القالى جيىندى اmanat پارتياسىنىڭ المالى اۋداندىق فيليالى ۇيىمداستىرىپ، وعان الماتى قالاسى ءماسليحاتىنىڭ دەپۋتاتى ءاسيا اقانوۆا، اmanat پارتياسى المالى اۋداندىق فيليالىنىڭ پارتيالىق باقىلاۋ كوميسسياسىنىڭ ءتوراعاسى، «KazComfort» ج ش س ديرەكتورى ماحامبەت اسابايەۆ جانە دارىگەرلەر قاتىستى. اق حالاتتىلار جولداۋدا اۋقىمدى ماسەلەلەردىڭ قامتىلعانىن ايتا كەلىپ، وندا دەنساۋلىق سالاسىنا ەرەكشە كوڭىل بولىنگەنىن اتاپ ءوتتى.
– مەملەكەت باسشىسى ءوز جولداۋىندا ۇلت الەۋەتىن ارتتىرۋدا شەشۋشى ءرول اتقاراتىن دەنساۋلىق سالاسىن دامىتۋ ماسەلەسىنە ەرەكشە توقتالدى. ماڭىزدى قۇجاتتا ەلىمىزدەگى 650 ەلدى مەكەندە ەمدەۋ مەكەمەسىنىڭ جوق ەكەندىگى، الداعى ەكى جىلدا بۇل اۋىلداردا مەديسينالىق جانە فەلدشەرلىك-اكۋشەرلىك بولىمشەلەر سالىناتىنى، قاجەتتى قۇرال-جابدىقپەن تولىق قامتاماسىز ەتىلەتىنى ايتىلدى. بۇل البەتتە، شالعاي اۋىلدارداعى حالىقتىڭ دەنساۋلىعىن تۇزەۋگە ۇلكەن قامقورلىق. ياعني ءبىر ميلليوننان استام ادامنىڭ العاشقى مەديسينالىق-سانيتارلىق كومەك الۋىنا مۇمكىندىك جاسالادى دەگەن ءسوز. جالپى، مەديسينا سالاسىنا مەگاپوليستى دامىتۋعا باعىتتالعان الماتى قالاسىنىڭ 2025 جىلعا دەيىنگى دامىتۋ باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالارى جونىندەگى قالالىق ءماسليحاتتىڭ سەسسياسىندا ەرەكشە نازار اۋدارىلعان، – دەدى ءماسليحات دەپۋتاتى ءاسيا اقانوۆا.
جيىندا اقجەلەڭ كيگەن ابزال جاندار مەملەكەت باسشىسى جولداۋىنىڭ مىندەتتەرىن تالقىلاپ، الداعى ۋاقىتتا وسى قادامدار بويىنشا اتقارىلاتىن جۇمىستار جۇزەگە اساتىنىنا سەنىم ءبىلدىردى.