قورعاۋشى ەكەۋىن دە اقتاۋدى سۇرادى.
بۇگىن قازاقستان رەسپۋبليكاسىنىڭ جوعارعى سوتى مانەرلەپ سىرعاناۋشى دەنيس تەننىڭ ولىمىنە كىنالى دەپ تانىلعان ارمان قۇدايبەرگەنوۆ پەن نۇرالى قياسوۆتىڭ كاسساسيالىق شاعىمىن قارادى، دەپ حابارلايدى aqshamnews.kz.
"سۋديالار ءىستى كاسساسيالىق قاراۋعا بەرۋدەن باس تارتتى"، — دەدى جوعارعى سوت سۋدياسى.
وسىلايشا، جوعارعى سوت ءىستى كاسساسيالىق القانىڭ قاراۋىنا قابىلداۋ ءۇشىن سوتتىڭ نەمەسە تەرگەۋدىڭ جۇمىسىندا زاڭ بۇزۋشىلىقتار مەن وزگە دە نەگىزدەردى تاپقان جوق.
2019 جىلدىڭ 14 قاڭتارىندا قازاقستاندىق مانەرلەپ سىرعاناۋشى دەنيس تەندى ءولتىردى دەپ ايىپتالعان نۇرالى قياسوۆ جاساعان قىلمىسىن مويىندادى. قياسوۆتان بولەك بۇل ىسكە ارمان قۇدايبەرگەنوۆ پەن جانار تولىبايەۆا دا قاتىستى.
2019 جىلدىڭ 17 قاڭتارىندا الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا دەنيس تەننىڭ ولىمىنە قاتىستى ءىس بويىنشا ۇكىم شىقتى. نۇرالى قياسوۆ وزىنە تاعىلعان قىلمىستار بويىنشا كىنالى دەپ تانىلىپ، 18 جىلعا باس بوستاندىعىنان ايىرىلدى. ارمان قۇدايبەرگەنوۆ 18 جىلعا باس بوستاندىعىنان ايىرىلدى. جانار تولىبايەۆا كىنالى دەپ تانىلىپ، 4 جىلعا باس بوستاندىعىنان ايىرىلدى.
قازاقستاندىق مانەرلەپ سىرعاناۋشى دەنيس تەن 25 جاسىندا كولىگىنىڭ ايناسىن ۇرلاماق بولعان كولىك ۇرىلارىمەن توبەلەسىپ، كوپ قان جوعالتىپ قايتىس بولعان.