ول اقش جانە تايپەي سپورتشىلارىنىڭ الدىن ورادى
كانادانىڭ كالگاري قالاسىندا ءوتىپ جاتقان كونكيمەن جۇگىرۋدەن ءتورتقۇرلىق چەمپيوناتىندا قازاقستان قورجىنى تاعى دا جۇلدەمەن تولىقتى، دەپ حابارلايدى Almaty-akshamy.kz.
ق ر ۇلتتىق وليمپيادا كوميتەتىنەن ءمالىم ەتكەندەي، ەرلەر اراسىندا 1000 مەترگە جارىسۋدان قازاقستاندىق دەنيس كۋزين التىن جۇلدەگەر اتاندى. ول اقش جانە تايپەي سپورتشىلارىنىڭ الدىن ورادى.
ايەلدەر اراسىندا 1000 مەترگە جۇگىرۋدەن ەكاتەرينا ايدوۆا جەڭىمپاز – تايپەي سپورتشىسىنان 1.04 سەكۋند ۇتىلىپ، كۇمىس مەدال يەلەندى.
ەرلەر اراسىنداعى كوماندالىق جارىستا كاناداعا ەسە جىبەرگەن قازاقستان قۇراماسى ەكىنشى ورىننان كورىندى.