اۋرۋحانا قىزمەتكەرلەرى ناۋقاستىڭ ءومىرى ءۇشىن 2،5 اي كۇرەستى.
كولىگىنىڭ جانارماي سۇزگىسىن ءوز بەتىنشە اۋىستىرىپ جاتقان ەر ادامنىڭ ۇستىنە بەنزين توگىلىپ، ءورت شىعىپ، ونى كۇيىك شالعان، دەپ حابارلايدى Almaty-akshamy.kz
وقيعا بيىلعى جىلدىڭ قىركۇيەك ايىندا بولعان.
«بۇل 26 قىركۇيەكتە بولدى. مەن كولىكتى جوندەپ جاتقاندا، اياعىم جانىپ كەتتى. مەن الاسۇرىپ اۋلادا جۇگىردىم، جەردە دومالاۋعا تىرىستىم، ءبىراق بەنزين ۇستىمدە جالىنداپ جاتتى. مەن جالىندى سوندىرە المادىم»، - دەيدى رينات يلمييەۆ.
ەلدەگى ەڭ ءىرى كۇيىك ورتالىعى № 4 قالالىق كلينيكالىق اۋرۋحانادا ورنالاسقان.
اۋرۋحانا باسپا ءسوز قىزمەتىنىڭ مالىمەتىنشە، ەر ادام كلينيكانىڭ قابىلداۋ بولىمىنە جەتكىزىلىپ، بىردەن انەستەزيولوگيا، رەانيماسيا، قارقىندى تەراپيا بولىمشەسى (ارقتب) جاتقىزىلدى.
«ناۋقاس اۋىر حالدە ءتۇستى. العاشقى مەديسينالىق كومەك كورسەتىلگەننەن كەيىن، كلينيكالىق-زەرتحانالىق جانە اسپاپتىق تەكسەرۋلەر، مۋلتيديسيپلينارلىق تەكسەرۋلەر جۇرگىزىلگەننەن كەيىن وڭ بىلەكتىڭ، الدىڭعى ءىش قابىرعاسىنىڭ، اياق-قولىنىڭ، بوكسەنىڭ تەرميالىق كۇيىگى s=40%/I-II-IIIaء-ىىىب دارەجەسى دياگنوزى قويىلدى. سەپتيكوتوكسەميا ساتىسىنداعى كۇيىك اۋرۋى. دەنە بەتىنىڭ 40% تەرميالىق كۇيىگى. قاجەتتى مەديسينالىق كومەك كورسەتىلدى»، - دەدى ەمدەۋشى دارىگەر دياس داۋلەتبايەۆ.
اۋرۋحانا قىزمەتكەرلەرى ناۋقاستىڭ ءومىرى ءۇشىن 2،5 اي كۇرەستى. قۇرامىندا كومبۋستيولوگتار مەن رەانيماتولوگتار بار جوعارى بىلىكتى دارىگەرلەر توبى بەس حيرۋرگيالىق وپەراسيا جاسادى، ولاردىڭ ۇشەۋى تەرى ترانسپلانتاسياسى بويىنشا. بۇگىن تاڭدا ەر ادام جاعدايى جاقسارىپ، اۋرۋحانادان شىعارىلدى.