بۇگىنگى اۋا رايى بولجامى

ەلىمىزدىڭ كەي جەرلەرىندە تۇمان ءتۇسىپ، كوكتايعاق بولادى دەپ بولجاندى.

قازگيدرومەت 7 جەلتوقساندا بولاتىن ەرەكشە مەتەورولوگيالىق قۇبىلىستارعا بولجاۋ كونسۋلتاسياسىن جاريالادى، دەپ حابارلايدى Almaty-akshamy.kz

اتموسفەرالىق فرونتالدى بولىكتەر ق ر باسىم بولىگىندە ءالى دە تۇراقسىز اۋا رايىن ساقتايدى – كوبىنەسە قار تۇرىندەگى جاۋىن-شاشىن جاۋادى، سولتۇستىك پەن شىعىستا جەلدىڭ كۇشەيۋى جاياۋ بۇرقاسىن كۇتىلەدى. رەسپۋبليكانىڭ كەي جەرلەرىندە تۇمان، كوكتايعاق كۇتىلەدى.

اقمولا وبلىسىنىڭ وڭتۇستىگى مەن شىعىسىندا جاياۋ بۇرقاسىن، باتىسى مەن شىعىسىندا تۇمان، كوكتايعاق كۇتىلەدى.

باتىس قازاقستان وبلىسىنىڭ وڭتۇستىك-شىعىسىندا، تۇندە اقتوبە وبلىسىنىڭ سولتۇستىك جارتىسىندا تۇمان، كوكتايعاق كۇتىلەدى.

اتىراۋ وبلىسىنىڭ باتىسى، شىعىسى مەن ورتالىعىندا، ماڭعىستاۋ وبلىسىنىڭ باسىم بولىگىندە تۇمان كۇتىلەدى.

قوستاناي وبلىسىنىڭ سولتۇستىگىندە تۇمان، وڭتۇستىگىندە تۇندە بۇرقاسىن، كوكتايعاق كۇتىلەدى.

سولتۇستىك قازاقستان وبلىسىنىڭ وڭتۇستىك-باتىسىندا تۇمان، شىعىسىندا جەلدىڭ 15-20 م/س كۇشەيۋى، تۇندە جاياۋ بۇرقاسىن، كوكتايعاق كۇتىلەدى.

پاۆلودار وبلىسىنىڭ سولتۇستىگىندە تۇمان، كوكتايعاق، سولتۇستىك-باتىسىندا جەلدىڭ 18 م/س كۇشەيۋى كۇتىلەدى.

قاراعاندى وبلىسىنىڭ سولتۇستىگىندە، شىعىسىندا كوكتايعاق، جاياۋ بۇرقاسىن، وڭتۇستىگىندە تۇمان كۇتىلەدى.

شىعىس قازاقستان وبلىسىنىڭ سولتۇستىگىندە تۇمان، كوكتايعاق، جاياۋ بۇرقاسىن، سولتۇستىك جارتىسىندا جەلدىڭ 15-20 م/س كۇشەيۋى كۇتىلەدى.

قىزىلوردا وبلىسىنىڭ ورتالىعىندا تۇمان كۇتىلەدى.

جامبىل وبلىسىنىڭ سولتۇستىگىندە، تاۋلى اۋداندارىندا جانە تاۋ بوكتەرىندە تۇمان، كۇندىز وڭتۇستىك-باتىسىندا، سولتۇستىك-شىعىسىندا تاۋلى اۋداندارىندا جەلدىڭ 15-20 م/س كۇشەيۋى كۇتىلەدى.