دەمالىستا اۋا رايى قانداي بولادى؟

قازگيدرومەت سينوپتيكتەرى 12، 13 جانە 14 شىلدەگە ارنالعان اۋا رايى بولجامىن ۇسىندى، - دەپ حابارلايدى aqshamnews.kz.

قازاقستاننىڭ باسىم بولىگىندە اتموسفەرالىق فرونتال بولىكتەر وتۋىنە بايلانىستى جاڭبىر جاۋىپ،نايزاعاي وينايدى. ەلدىڭ سولتۇستىگى مەن شىعىسىندا قاتتى جاڭبىر، بۇرشاق جانە داۋىل بولۋى مۇمكىن.

تەك وڭتۇستىك، وڭتۇستىك-باتىس ايماقتاردا، سونداي-اق 12 شىلدەدە باتىس وڭىردە جوعارى قىسىم الابىنىڭ اسەرىنەن كۇن اشىق ءارى ىستىق بولادى. رەسپۋبليكا بويىنشا جەلدىڭ كۇشەيۋى بولجانىپ وتىر.

"رەسپۋبليكانىڭ باتىسىندا كۇندىز 35-39 گرادۋسقا دەيىن قاتتى ىستىق، كەي جەرلەردە اپتاپ ىستىق 40-42 گرادۋسقا جەتەدى. 12-13 شىلدەدە وڭتۇستىك-باتىستا 39-44 گرادۋسقا دەيىن اپتاپ ىستىق، 14 شىلدەدە 38-42 گرادۋس ارالىعىندا بولادى. سولتۇستىك ايماقتاردا كۇندىزگى تەمپەراتۋرا ءسال تومەندەپ، 17-25 گرادۋستان 15-23 گرادۋسقا دەيىن تۇسەدى. شىعىستا ورتاشا تەمپەراتۋرا 22-30 گرادۋس ارالىعىندا، وڭتۇستىكتە 40-43 گرادۋسقا دەيىن، ال وڭتۇستىك-شىعىستا 35-38 گرادۋس ارالىعىندا اپتاپ ىستىق كۇتىلەدى"، - دەپ جازىلعان حابارلامادا.