پرەمەر-مينيستردىڭ تاپسىرماسى بويىنشا ەپيدەميولوگيالىق جاعدايدىڭ تۇراقتانۋىنا بايلانىستى ۆاك كارانتيندىك رەجيمدى جەڭىلدەتۋ بويىنشا ءبىرقاتار شەشىمدەردى ماقۇلدادى.
بۇگىن ق ر پرەمەر-مينيسترىنىڭ ورىنباسارى ەرالى توعجانوۆتىڭ توراعالىعىمەن ق ر اۋماعىندا كوروناۆيرۋستىق ينفەكسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆاك) وتىرىسى ءوتتى، دەپ حابارلايدى Almaty-akshamy.kz
- اعىمداعى جىلدىڭ 28 تامىزىنان باستاپ رۇقسات بەرىلەدى:
ASHYQ جوباسىنا قاتىساتىن بارلىق بيزنەس وبەكتىلەرىنىڭ دەمالىس كۇندەرى ساعات 24:00-گە دەيىن،
ASHYQ جوباسىنىڭ كوشباسشىلارى - ASHYQ قوسىمشاسى ارقىلى راستالعان قىزمەتكەرلەر مەن كەلۋشىلەردىڭ «جاسىل مارتەبەسى» (ۆاكسينالانعاندار، 7 كۇننەن كەم ەمەس تەرىس ناتيجەسى بار پتر تەستىنىڭ بولۋى) بولعان جاعدايدا ساعات 02:00-گە دەيىن؛
سەنبى كۇنى-قوعامدىق كولىك قىزمەتىنە.
- اعىمداعى جىلدىڭ 30 تامىزىنان باستاپ جۇمىس كۇندەرى:
ASHYQ جوباسىنا قاتىساتىن بارلىق بيزنەس وبەكتىلەرىنىڭ جۇمىس ۋاقىتى 22:00-دەن 24:00-گە دەيىن،
ASHYQ جوباسى كوشباسشىلارىنىڭ جۇمىس ۋاقىتى 24:00-دەن 02:00-گە دەيىن ۇزارتىلدى.
بۇل رەتتە ەپيدەميولوگيالىق جاعدايدى ەسكەرە وتىرىپ، الماتى قالاسىندا كارانتيندىك شارالاردىڭ جەڭىلدەتىلۋىن اعىمداعى جىلدىڭ 4 قىركۇيەگىنەن باستاپ دەمالىس كۇندەرى، ال جۇمىس كۇندەرى اعىمداعى جىلدىڭ 6 قىركۇيەگىنەن باستاپ ەنگىزۋ جوسپارلانۋدا.