بۇل تۋرالى مەگاپوليس باسشىسى باقىتجان ساعىنتايەۆ ءوزىنىڭ ينستاگرام پاراقشاسىندا جازدى.
قالا باسشىسىنىڭ ايتۋىنشا، تيكتوكشىلارعا بەينەبايان تۇسىرۋگە ىڭعايلى ورىن ۇسىنىلماق، دەپ حابارلايدى Almaty-akshamy.kz
«الدىڭعى قاتارلى الماتىلىق تيكتوكەرلەرمەن جانە پروديۋسەرلەرمەن تانىمال جاستار باعىتىن قولداۋ مەن ونى دامىتۋ ماسەلەلەرىن تالقىلادىق. كرەاتيۆتى يندۋستريانى دامىتۋ ستراتەگياسى اياسىندا دارىندى جاستاردىڭ ءوزىن-وزى تانىتۋى ءۇشىن جاعداي جاسايتىن بولامىز. الماتىنىڭ تورتتەن ءبىر بولىگى 18 جاسقا دەيىنگى جاستار ەكەنى بەلگىلى. جوعارى وقۋ ورىندارىندا 168 مىڭ ستۋدەنت، كوللەدجدە 68 مىڭ ستۋدەنت ءبىلىم الادى»، -دەلىنگەن اكىمنىڭ ينستاگرامىندا.
الماتىلىق تيكتوكەرلەردىڭ تابىسى — ءوز الدىنا ءبىر بولەك اڭگىمە.
«بىزدەگى حاۋستار 10 مىڭ ادامنىڭ ىشىنەن بۇكىل الەم بويىنشا 2-3 ورىن الادى. تانىمال Tik Tok حاۋسەر تيكتوكەرلەرى مەن پروديۋسەرلەرى تاجىريبە الماسۋعا، دامۋعا، سونداي-اق جاڭادان كەلگەندەردىڭ شىعارماشىلىعىن مونەتيزاسيالاۋعا كومەكتەسۋگە دايىن. ءبىز ءوز تاراپىمىزدان جايلى جاعداي جاساۋعا نەمەسە بەينەبايان تۇسىرۋگە ىڭعايلى ورىن ۇسىنۋ بويىنشا قولداۋ كورسەتەمىز. تانىمال Tik Tok جۇلدىزدارىنىڭ قالا ومىرىنە اتسالىسىپ، الماتىنىڭ تۋريستىك برەندىن قالىپتاستىرىپ، دامىتۋعا، بارشا الەمگە سۇيىكتى قالامىز تۋرالى جار سالىپ، قالالىق قوعامداستىقتىڭ وزەكتى ماسەلەلەرىن شەشۋگە كومەكتەسۋگە دايىن ەكەندىگى قۋانتادى»، -دەپ جازدى باقىتجان ساعىنتايەۆ.
