دەمالىس كۇندەرى قازاقستاندا جاڭبىر جاۋادى

الداعى دەمالىس كۇندەرىنە ارنالعان اۋا رايى بولجامى.

قازاقستاننىڭ سولتۇستىك، شىعىس جانە وڭتۇستىك-شىعىس وڭىرلەرىندە تۇراقسىز اۋا رايى ساقتالىپ، جاڭبىر جاۋادى، دەپ حابارلايدى Almaty-akshamy.kz.

سولتۇستىك سۋىق انتيسيكلون جاۋىن-شاشىننىڭ توقتاۋىنا جانە اۋا تەمپەراتۋراسىنىڭ باتىستا، سودان كەيىن رەسپۋبليكانىڭ قالعان اۋماعىندا تومەندەۋىنە اكەلەدى. دەمالىس كۇندەرىنىڭ باسىندا عانا قازاقستاننىڭ سولتۇستىك، شىعىس جانە وڭتۇستىك-شىعىس وڭىرلەرىندە تۇراقسىز اۋا رايى ساقتالىپ، جاڭبىر جاۋادى، جەل كۇشەيەدى.

«رەسپۋبليكانىڭ باتىسىندا اۋا تەمپەراتۋراسى تۇندە ازداپ جوعارىلايدى: 2 گرادۋس ۇسىك – 10 جىلىدان 1-13 گرادۋسقا دەيىن، كۇندىز 13-20-دان 15-23 جىلىعا دەيىن: ەلدىڭ سولتۇستىك-باتىسىندا، سولتۇستىگىندە جانە ورتالىعىندا تۇندە تەرمومەترلەر -3-تەن +5 گرادۋسقا، كۇندىز 7-15 جىلىعا دەيىن؛ شىعىس وڭىرلەردە تۇندە اۋا تەمپەراتۋراسى 10-18 جىلىدان 2-10 گرادۋسقا دەيىن، كۇندىز 20-28-دەن 10-18 جىلىعا دەيىن. ال رەسپۋبليكانىڭ وڭتۇستىگىندە تۇندە 10-20 گرادۋسقا دەيىن، كۇندىز 25-30-دان 17-25-كە دەيىن جىلى بولادى»، – دەلىنگەن «قازگيدرومەت» رمك حابارلاماسىندا.