كۇن رايىنا سولتۇستىك-باتىس انتيسيكلونى اسەر ەتپەك.
ونىڭ سەبەبىنەن الداعى تاۋلىكتە قازاقستاننىڭ سولتۇستىك وڭىرلەرىنىڭ تۇرعىندارىن تەمپەراتۋرانىڭ بىرتىندەپ تومەندەۋى كۇتۋدە، دەپ حابارلايدى Almaty-akshamy.kz.
ونىڭ جوتاسى رەسپۋبليكانىڭ بارلىق اۋماعىندا تارالسا دا، باتىستا ىستىق اۋا رايى ساقتالا بەرمەك. سونىمەن قاتار ول ءفرونتالدى بولىمدەردى رەسپۋبليكانىڭ ورتالىق، شىعىس جانە وڭتۇستىك-شىعىس ايماقتارىنا اۋىستىرادى، سولايشا جاڭبىر جاۋادى، كۇن كۇركىرەيدى، بۇرشاق جاۋۋى جانە قاتتى جەل بولۋى مۇمكىن.
اۋا تەمپەراتۋراسىنىڭ بىرتىندەپ تومەندەۋى كەلەسىدەي بولماق: رەسپۋبليكانىڭ سولتۇستىگىندە تۇندە +10 +18°س-تان +5 +10°س-قا دەيىن، كۇندىز +23 +30°س-تان 18 +23°س-قا دەيىن. اۋا تەمپەراتۋراسىنىڭ نەگىزگى اياسى كۇندىز باتىستا +32 +40°س، سولتۇستىك-باتىستا +28 +38°س، ورتالىقتا +22 +33°س، شىعىستا +20 +28°س، وڭتۇستىكتە +32 +42°س، ەلدىڭ وڭتۇستىك-شىعىسىندا كۇندىز +22 +32°س-تان +25 +35°س-قا دەيىن.