«قازگيدرومەت» سينوپتيكتەرى 17-19 ماۋسىم كۇندەرىنە ارنالعان اۋا رايى بولجامىن جاريالادى.
بولجام بويىنشا، دەمالىس كۇندەرى قازاقستان اۋماعىندا وڭتۇستىك سيكلون جانە اتموسفەرالىق فرونت اۋا رايىنا اسەر ەتەدى، دەپ حابارلايدى Almaty-akshamy.kz.
ەلىمىزدىڭ باسىم بولىگىندە نايزاعاي ويناپ، ەكپىندى جەل سوعادى، بۇرشاق جاۋۋى مۇمكىن. 18 ماۋسىمدا باتىستا، 18-19 ماۋسىمدا رەسپۋبليكانىڭ سولتۇستىك-باتىسىندا جانە سولتۇستىگىندە قاتتى جاڭبىر جاۋىپ، قازاقستاننىڭ وڭتۇستىگىندە شاڭدى داۋىل سوعادى دەپ كۇتىلەدى. رەسپۋبليكانىڭ شىعىسىندا اۋا رايى جاۋىن-شاشىنسىز.
تاۋلىكتىك اۋا تەمپەراتۋراسى باتىستا 20-28 گرادۋسقا دەيىن، سولتۇستىك-باتىستا 13-26 گرادۋسقا دەيىن، سولتۇستىكتە 17-27 گرادۋسقا دەيىن، سولتۇستىك-شىعىستا 30-37 گرادۋسقا دەيىن ىستىق بولادى. رەسپۋبليكانىڭ ورتالىعىندا، وڭتۇستىك وبلىستاردا تەمپەراتۋرا ايتارلىقتاي وزگەرمەيدى.