تەك قازاقستاننىڭ وڭتۇستىگى مەن وڭتۇستىك-باتىسىندا قۇرعاق جانە ىستىق بولادى.
«قازگيدرومەت» الداعى دەمالىس كۇندەرىنە ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz
«ەلدىڭ كوپ بولىگىندە سولتۇستىك سيكلوننىڭ فرونتالدى بولىمدەرىنىڭ اسەرىنەن ءالى دە نايزاعايمەن جاڭبىر جاۋادى. كەي جەرلەردە جەل ەكپىنى كۇشەيىپ، سولتۇستىكتە كەي جەرلەردە تۇمان كۇتىلەدى»، - دەلىنگەن حابارلامادا.
باتىستا اۋا تەمپەراتۋراسى تۇندە +17+25℃، كۇندىز +28+39℃، رەسپۋبليكانىڭ سولتۇستىگىندە، سولتۇستىك-باتىسىندا اۋا تەمپەراتۋراسى تۇندە +6 +21℃، كۇندىز تەرمومەترلەر +20+36℃، ەلدىڭ ورتالىعىندا جانە شىعىسىندا اۋا تەمپەراتۋراسى تۇندە +7+20℃، كۇندىز +23 +35℃، قازاقستاننىڭ وڭتۇستىك جانە وڭتۇستىك-شىعىسىندا تۇنگى تەمپەراتۋرا +12+22°س، كۇندىز +29+40°س بولادى.