الماتىنىڭ ەكى اۋدانىندا ىستىق سۋ ۋاقىتشا توقتاتىلادى

ىستىق سۋدىڭ ۋاقىتشا بەرىلمەۋ سەبەبى – جىلۋ قازاندىقتارىندا جوندەۋ جۇمىستارى جۇرگىزىلمەك.

الماتى قالاسىنىڭ ناۋرىزباي جانە تۇركسىب اۋداندارىنىڭ اۋماعىندا ىستىق سۋ ۋاقىتشا بەرىلمەيدى، دەپ حابارلايدى Almaty-akshamy.kz

بۇل اقپاراتتى تاراتقان «الماتى جىلۋ جۇيەسى» مەكەمەسىنىڭ مالىمەتىنە سايكەس، ءبىرقاتار تۇرعىن ۇيلەر مەن باسقا دا عيماراتتارعا ىستىق سۋمەن جابدىقتاۋ مىنا كوشە كونتۋرلارىندا شەكتەلەدى: 

- 19-23 شىلدە ارالىعىندا-وستروۋموۆ-دەگدار-كراسنوگورسكايا؛ 

-21 شىلدەدەن 9 تامىزعا دەيىن — رايىمبەك-اشىموۆ-اباي-كارەرنايا؛ 

- 21 شىلدەدەن 17 تامىزعا دەيىن – گەتە-مايلين-زاسلاۆسكيي-نوۆوسيبيرسك،
لاۆرەنيەۆا-دونەنتايەۆ-سوبوليەۆا-زيمنيايا، سۇيىنباي-بەكماحانوۆ. 

- 21 شىلدەدەن 18 تامىزعا دەيىن – سوبينوۆا – مونتاجنايا – پوددۋبنىي-بەرينگ. 

كۇزگى-قىسقى كەزەڭدە جىلۋ قۋاتىن ءوندىرۋ پروسەستەرىندەگى تاۋەكەلدەردى ازايتۋ ءۇشىن قاجەتتى الداعى جىلىتۋ ماۋسىمىنا قالالىق جىلۋ كەشەنىن دايىنداۋ شەڭبەرىندە جوسپارلانعان قازاندىقتاردا جوندەۋ جۇمىستارىن جۇرگىزۋ كەزىندە قاۋىپسىزدىكتى قامتاماسىز ەتۋ ءۇشىن شەكتەۋلەر ەنگىزىلەدى. 

جىلۋ مەكەمەسى تۇرعىنداردان ۋاقىتشا قولايسىزدىقتارعا تۇسىنىستىكپەن قاراۋدى سۇرايدى.