كۇننىڭ جىلىنۋى بايقالادى.
"قازگيدرومەت" ماماندارى الداعى ءۇش كۇندە اۋا رايى قانداي بولاتىنىن ايتىپ بەردى، دەپ حابارلايدى Almaty-akshamy.kz
بولجام بويىنشا، دەمالىس كۇندەرى قازاقستان بويىنشا سينوپتيكالىق جاعدايدى سكانديناۆيانىڭ سولتۇستىگىندە ورنالاسقان اتلانتيكالىق سيكلون انىقتايدى.
"ەلدىڭ باسىم بولىگىندە قارلى بورانمەن، ەكپىندى جەل جانە كوكتايعاق، ءار ءتۇرلى فازالاردا بۇلتتىلىق پەن وشاقتى جاۋىن-شاشىن بولادى. اتلانتيكالىق سيكلون دا رەسپۋبليكانىڭ بارلىق دەرلىك اۋماعىندا تەمپەراتۋرانىڭ بىرتىندەپ كوتەرىلۋىنە سەبەپ بولادى"، دەلىنگەن "قازگيدرومەت" رمك باسپا ءسوز قىزمەتى تاراتقان اقپاراتتا.