سينوپتيكتەر 2 ماۋسىمعا دەيىن اۋا رايى قانداي بولاتىنىن ايتتى، دەپ حابارلايدى aqshamnews.kz قازگيدرومەتكە سىلتەمە جاساپ.
اتموسفەرالىق فرونتتاردىڭ وتۋىمەن رەسپۋبليكانىڭ باسىم بولىگىندە اۋا رايى تۇراقسىز بولادى.
جاڭبىر مەن نايزاعاي، ەكپىندى جەل، كۇندىزگى ۋاقىتتا بۇرشاق كۇتىلەدى.
1 ماۋسىم كۇندىز ەلىمىزدىڭ وڭتۇستىك-شىعىسىنىڭ تاۋلى ايماقتارىندا، 2 ماۋسىمدا باتىسىندا، وڭتۇستىك-شىعىسىنىڭ تاۋلى ايماقتارىندا قاتتى جاڭبىر جاۋادى. ەلىمىزدىڭ وڭتۇستىك-باتىسىندا، وڭتۇستىگىندە، وڭتۇستىك-شىعىسىندا شاڭدى داۋىل كۇتىلەدى. باتىسىندا، سولتۇستىك-باتىسىندا قاتتى ىستىق باسىلۋى كۇتىلۋدە.
ق ر قالعان اۋماعىندا اۋا تەمپەراتۋراسىنىڭ بىرتىندەپ جوعارىلاۋى كۇتىلۋدە، كۇندىز ەلىمىزدىڭ ورتالىعىندا، وڭتۇستىگىندە 35-40 گرادۋس قاتتى ىستىق بولادى دەپ بولجانۋدا.