دەكلاراسيالاۋ مەرزىمىنىڭ 15 قىركۇيەكتە اياقتالۋىنا بايلانىستى كوپتەگەن ساۋالدار تۋىندادى.
ساۋالداردىڭ باسىم كوپشىلىگى دەكلاراسيانىڭ قابىلدانعانىن قالاي بىلۋگە بولاتىنى تۋرالى بولعان. وسىعان بايلانىستى مەملەكەتتىك كىرىستەر كوميتەتى جاۋاپ بەردى، دەپ حابارلايدى Almaty-akshamy.kz.
دەكلاراسيانىڭ (250.00 نىساندى «جەكە تۇلعانىڭ اكتيۆتەرى مەن مىندەتتەمەلەرى تۋرالى دەكلاراسيا» / 270.00 نىساندى «جەكە تۇلعانىڭ كىرىستەرى مەن مۇلكى تۋرالى دەكلاراسيا» نىسانى) قابىلدانعانى نەمەسە قابىلدانباعانى تۋرالى حابارلامانى ءسىز دەكلاراسيانى تابىستاعان قوسىمشادان نەمەسە كەز كەلگەن كەلەسى قوسىمشالاردىڭ بىرىنەن قاراپ/جۇكتەپ الۋىڭىزعا بولادى:
- e-Salyq Azamat («دەكلاراسيا تابىستاۋ» بولىمىندە/«سەن تابىستاۋدىڭ تاريحى»)؛
- «سالىق تولەۋشىنىڭ كابينەتى» ارقىلى («سالىق ەسەپتىلىگىنىڭ نىساندارى» بولىمىندە/ «نىساندار جۋرنالى»)، -دەپ جازىلعان حابارلامادا.