جالپىعا بىردەي دەكلاراسيالاۋدىڭ III كەزەڭى 15 قىركۇيەكتە اياقتالادى.
كاسىپكەرلەر، زاڭدى تۇلعالاردىڭ باسشىلارى مەن ولاردىڭ جۇبايلارى 15 قىركۇيەككە دەيىن ەل اۋماعىنداعى جانە شەتەلدەگى اكتيۆتەرى جونىندە دەرەك ۇسىنۋى ءتيىس، دەپ حابارلايدى Almaty-akshamy.kz
جالپى العاندا بيىل 2 ملن 400 مىڭ ادام قامتىلادى. ازىرگە ونىڭ 1 ملن-نان استامى عانا ۇسىنعان. ال دەكلاراسيا تاپسىرىپ ۇلگەرمەگەندەر نەمەسە تاپسىرۋدان ادەيى جالتارعاندار جاۋاپقا تارتىلادى. الدىمەن ولارعا ەسكەرتۋ جاسالادى. ءبىر جىل ىشىندە تاعى قايتالاسا – 55 مىڭ تەڭگە كولەمىندە ايىپپۇل تولەيدى.
«جالپىعا بىردەي دەكلاراسيادان قورقۋدىڭ كەرەگى جوق. سەبەبى وسى دەكلاراسيانى بىردە تاپسىرساڭىز، ءوزىڭىزدىڭ اشىقتىعىڭىزدى، تازا بيزنەستە جۇرگەنىڭىزدى، جاسىرىن بيزنەسىڭىز جوق ەكەنىن بىلدىرەدى. ءوزىڭىزدىڭ ازاماتتىق ءپرينسيپىڭىزدى كورسەتكەنىڭىز بولىپ سانالادى»، - دەدى ق ر قارجى ءمينيسترىنىڭ ورىنباسارى ەرجان ءبىرجانوۆ.