دەكلاراسيا تولتىردىڭىز با؟

دەكلاراسيا ۇسىنباعان جەكە تۇلعاعا قانداي جازا قولدانىلادى

استانا قالاسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى قانات بالتابەكوۆ دەكلاراسيا ۇسىنباعان جەكە تۇلعالارعا قانداي جاۋاپكەرشىلىك قاراستىرىلعانىن ايتتى، دەپ حابارلايدى Almaty-akshamy.kz. 

«اكتيۆتەر مەن مىندەتتەمەلەر تۋرالى دەكلاراسيانى ۇسىنباعان جاعدايدا اكىمشىلىك جاۋاپكەرشىلىك كوزدەلگەن. «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 272-بابىنىڭ 1-تارماعىنا سايكەس اكتيۆتەر مەن مىندەتتەمەلەر تۋرالى دەكلاراسيانى قازاقستان رەسپۋبليكاسىنىڭ زاڭنامالىق اكتىلەرىندە بەلگىلەنگەن مەرزىمدە ۇسىنباۋ الدىن الا ەسكەرتۋگە اكەپ سوعادى. 1 جىل ىشىندە قايتالاپ جاسالعان ارەكەتتەر 15 ايلىق ەسەپتىك كورسەتكىش (1 اەك - 3450 تەڭگە) مولشەرىندە ايىپپۇل سالۋعا اكەپ سوعادى. جالپىعا بىردەي دەكلاراسيالاۋ بويىنشا سۇراقتار تۋىنداعان جاعدايدا جەكە تۇلعالار 1414 ءنومىرى بويىنشا ءبىرىڭعاي بايلانىس ورتالىعىنان كەڭەس الا الادى»،- دەدى قانات بالتابەكوۆ استانا قالاسىنىڭ كوممۋنيكاسيالار قىزمەتىندەگى بريفينگتە.

اتالعان دەپارتامەنتكە قاراستى جالپىعا بىردەي دەكلاراسيالاۋ جانە وندىرىستىك ەمەس تولەمدەر ءبولىمىنىڭ باسشىسى ەراسىل بوراشتىڭ ايتۋىنشا، دەكلاراسيا 12 تارماقتان تۇرادى. دەكلاراسيانى 15 قىركۇيەككە دەيىن «سالىق تولەۋشىنىڭ كابينەتى» cabinet.salyk.kz ارقىلى،«ەلەكتروندىق ۇكىمەت» پورتالى، سونداي-اق esalyq azamat موبيلدىك قوسىمشاسى ارقىلى ەلەكتروندى تۇردە، ال قاعاز ۇلگىدە 15 شىلدەگە دەيىن بەرۋگە بولادى.