وعان مەديسينا جيناعان دەرەكتەر سەبەپ بولعان
جاڭا حالىقارالىق اۋرۋلار جىكتەمەسىنىڭ 11-نۇسقاسى 2022 جىلدىڭ 1 قاڭتارىنان باستاپ رەسمي تۇردە كۇشىنە ەندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
2019 جىلى دۇنيەجۇزىلىك دەنساۋلىق ساقتاۋ ۇيىمى ماقۇلداعان قۇجاتقا بىرنەشە جاڭا ءبولىم قوسىلعان. ولاردىڭ قاتارىندا ءداستۇرلى مەديسينا ءبولىمى بار. سونىمەن قاتار تاۋەلدىلىكپەن بايلانىستى اۋرۋلار قاتارىنا ۆيدەو جانە ساندىق فورماتتاعى ويىندارعا قۇمارلىق جاتقىزىلدى.
قۇجاتقا 55 مىڭنان اسا جاراقات، اۋرۋ مەن ءولىم سەبەپتەرى ەندى.
قۇجاتقا سايكەس، ويىنقۇمارلىق (اعىلشىنشا – gaming disorder) كەزىندە ادام قىزىقتى جانە كۇندەلىكتى ماڭىزدى ىستەرمەن اينالىسۋدىڭ ورنىنا بار نازارىن ويىنعا بولەدى. ول جەكە، وتباسىلىق جانە الەۋمەتتىك ومىردە پروبلەما تۋىنداعان جاعدايدا، اتالعان جاعداي 12 اي بويى جالعاسسا، انىقتالادى. الايدا اۋىر جاعدايلاردا دياگنوز قويۋ ءۇشىن از ۋاقىت جەتكىلىكتى.
ويىنقۇمارلىقتىڭ اۋرۋلار قاتارىنا قوسىلۋىنا مەديسينا جيناعان دەرەكتەر سەبەپ بولدى. ەندى مەملەكەتتەر دەنساۋلىق ساقتاۋ سالاسىندا ستراتەگيالار ازىرلەۋ بارىسىندا بۇل اۋرۋدى دا نازارعا الۋى كەرەك.
حالىقارالىق اۋرۋلار جىكتەمەسى – اۋرۋلار تۋرالى باياندامالارعا ارنالعان حالىقارالىق ستاندارت. سونىمەن قاتار ءتىزىم جاھاندىق ماسشتابتا دەنساۋلىق ساقتاۋ سالاسىنداعى جاڭالىقتار مەن ستاتيستيكانى انىقتاۋعا مۇمكىندىك بەرەدى. قۇجاتتىڭ الدىڭعى نۇسقاسى 1990 جىلدان باستاپ جارامدى بولعان.