بۇگىنگى تاڭدا بارلىق كەدەرگىلەر جويىلدى.
رەسەي فەدەراسياسىنىڭ دەنساۋلىق ساقتاۋ ءمينيسترى ميحايل مۋراشكو دۇنيەجۇزىلىك دەنساۋلىق ساقتاۋ ۇيىمىندا رەسەيلىك «سپۋتنيك V» ۆاكسيناسىن تىركەۋدە بولعان بارلىق كەدەرگىلەردىڭ جويىلعانىن مالىمدەدى، دەپ حابارلايدى Almaty-akshamy.kz 24.kz-كە سىلتەمە جاساپ.
«رەسەي فەدەراسياسىنىڭ رەسەيلىك «سپۋتنيك V» ۆاكسيناسىن تىركەۋ جانە ودان ءارى دامىتۋ تۋرالى ۇستانىمى تىڭدالدى. دۇنيەجۇزىلىك دەنساۋلىق ساقتاۋ ۇيىمى بويىنشا «سپۋتنيك V» ۆاكسيناسىن تىركەۋمەن اينالىساتىن كومپانيا ءبىرقاتار قۇجاتتارعا قول قويىپ، ءبىرقاتار قوسىمشا قۇجاتتاردى ۇسىنعانىن عانا كۇتىپ وتىرمىز»، – دەدى ميحايل مۋراشكو.
رەسەيلىك ءمينيستردىڭ ايتۋىنشا، دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادانوم گەبرەيۋس كەشەگى كەزدەسۋدە «ءارى قاراي جۇمىس ىستەۋگە» ەشقانداي كەدەرگى جوق ەكەنىن راستاعان.
«بۇگىنگى تاڭدا بارلىق كەدەرگىلەر جويىلدى. سوندىقتان ءبىز بۇگىن ودان ءارى جۇمىس ىستەۋگە ەشقانداي كەدەرگى كورىپ وتىرعان جوقپىز. مۇنى بىزگە دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى راستادى»، – دەدى ول.