ددسۇ: رەسەيدە ىندەت قايتا كۇشەيۋى ىقتيمال

دۇنيەجۇزىلىك دەنساۋلىق ساقتاۋ ۇيىمىنىڭ رەسەيدەگى وكىلى مەليتا ءۆۋينوۆيچتىڭ پايىمىنشا، رەسەيدە ىندەت قايتا ءورشۋى مۇمكىن.

جاعدايدىڭ ءبىرشاما تۇراقتالعانىنا قاراماستان، توقمەيىلسۋگە بولمايدى، دەپ حابارلايدى Almaty-akshamy.kz 24.kz-كە سىلتەمە جاساپ.

ايتا كەتەيىك، رەسەي الەمدە "وميكروننىڭ" تارالۋىنا بايلانىستى ءبىرقاتار ەلدەرمەن بايلانىستى شەكتەپ، اۋەجايلاردا باقىلاۋدى كۇشەيتكەن.

ال اقش-تىڭ نيۋ-يورك شتاتىندا ىندەت قايتا ءورشىپ، كوروناۆيرۋستى جۇقتىرعاندار ارتتى. سوڭعى مالىمەتكە قاراعاندا، ءبىر كۇندە ايماقتا 23 مىڭنان اسا ادام ۆيرۋس جۇقتىرعان.

بيلىك الداعى ۋاقىتتا بۇل كورسەتكىش بۇدان دا ءۇشىعۋى مۇمكىن  دەپ وتىر.

ۆيرۋستى جۇقتىرعاندار قاتارىنىڭ ارتۋىنا بايلانىستى نيۋ-يورك قالاسىنداعى پتر-تەست تاپسىراتىن ورتالىقتاردىڭ الدىندا ۇزىن-سونار كەزەك پايدا بولعان. دەگەنمەن بيلىك ۆاكسينالاۋدى كۇشەيتۋ ارقىلى ىندەتتىڭ تارالۋىن توقتاتۋعا قول جەتكىزۋگە بولادى دەيدى. 

«كوروناۆيرۋستىڭ "وميكرون" تۇرىنە بايلانىستى الداعى بىرنەشە اپتادا جاعداي ۋشىعۋى مۇمكىن. شتامم جۇقپالى بولعانىمەن، وعان شالدىققانداردىڭ اۋرۋى جەڭىل ءوتىپ جاتقانى كوڭىلگە مەدەۋ. ءبىراق ءبىز ونىڭ تەز تارالاتىنىن ۇمىتپاۋىمىز كەرەك. سوندىقتان بۇل دەرتپەن كۇرەستە جىلدام قيمىلداپ، ۆاكسينالاۋدى كۇشەيتۋ ماڭىزدى»، - دەدى نيۋ-يورك قالاسىنىڭ مەرى بيلل دە بلازيو.