قازاقستاندا كۆي 1،4 ملن-نان استام جاعدايى تىركەلدى
دۇنيەجۇزىلىك دەنساۋلىق ساقتاۋ ۇيىمى COVID-19 پاندەمياسىنىڭ ستاتۋسىن جويدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءبىر جىلدان استام ۋاقىت بويى پاندەميا تومەندەۋ ءۇردىسىن ساقتاپ كەلگەن: حالىقتىڭ ينفەكسيالارعا قارسى يممۋنيتەتى ارتىپ، ءولىم-جىتىم ازايىپ، دەنساۋلىق ساقتاۋ جۇيەسىنە قىسىم ازايىپ كەلەدى. بۇل كوپتەگەن ەلدەرگە كوروناۆيرۋس ينفەكسياسى باستالعانعا دەيىنگى ومىرگە قايتا ورالۋعا مۇمكىندىك بەردى، سوندىقتان مەن پاندەميانىڭ اياقتالعانىن جاريالاي الام دەگەن ۇمىتتەمىن»، - دەدى ددسۇ باس ديرەكتورى تەدروس گەبرەيەسۋس جەنيەۆادا وتكەن باسپا ءسوز ءماسليحاتىندا.
ەسكە سالايىق، SARS-CoV-2 كوروناۆيرۋسىنىڭ تارالۋىنان تۋىنداعان COVID-19 جاعدايى 2020 جىلدىڭ 30 قاڭتارىندا رەسمي تۇردە دەنساۋلىق ساقتاۋ سالاسىندا حالىقارالىق دەڭگەيدەگى توتەنشە جاعداي دەپ جاريالانىپ، 11 ناۋرىزدا توتەنشە پاندەميا ستاتۋسىن العان بولاتىن.
قازاقستاندا كۆي 1،4 ملن-نان استام جاعدايى تىركەلدى، تاعى 91 مىڭ ادام كوروناۆيرۋس بەلگىلەرى بار پنيەۆمونياعا شالدىقتى. ەپيدەميانىڭ بۇكىل كەزەڭىندە كوروناۆيرۋستان 13 848 قازاقستاندىق قۇربان بولدى، تاعى 5 413 ادام كۆي بەلگىلەرى بار پنيەۆمونيادان قايتىس بولدى.
ۆيرۋس الەمنىڭ 114 ەلىندە تاراعان. پاندەميا باستالعاننان بەرى الەمدە 20 ملن ادام قايتىس بولدى.