«ورتالىق ازيا» حالىقارالىق ونەركاسىپتىك كووپەراسيا ورتالىعىن سالۋدىڭ ماڭىزدىلىعى ەرەكشە اتاپ ءوتىلدى
جۇما، 5 مامىردا، تاشكەنتتە قازاقستان پرەمەر-مينيسترى ءاليحان سمايىلوۆ پەن وزبەكستان پرەزيدەنتى شاۆكات ميرزيويەۆ كەزدەستى، دەپ حابارلايدى Almaty-akshamy.kz.
ءاليحان سمايىلوۆ مەملەكەت باسشىسى قاسىم-جومارت توقايەۆتىڭ ىستىق سالەمىن جەتكىزىپ، قازاقستان مەن وزبەكستاننىڭ اراسىنداعى ەكىجاقتى قارىم-قاتىناس سەنىم مەن ءوزارا تۇسىنىستىككە نەگىزدەلگەن ستراتەگيالىق ارىپتەستىكتىڭ جارقىن ۇلگىسى ەكەنىن اتاپ ءوتتى. اتاپ ايتقاندا، جوعارى دەڭگەيدە وتكەن سوڭعى كەلىسسوزدەر قورىتىندىسى بويىنشا قول جەتكىزىلگەن ۋاعدالاستىقتاردى ىسكە اسىرۋ – ەكى ەل ۇكىمەتتەرىنىڭ ەرەكشە باقىلاۋىندا.
سونىمەن قاتار پرەمەر-مينيستر ەكىجاقتى ىنتىماقتاستىق جونىندەگى ۇكىمەتارالىق كوميسسيانىڭ 20-شى وتىرىسىنىڭ قورىتىندىسى تۋرالى حاباردار ەتتى، وندا ونەركاسىپ، اۋىل شارۋاشىلىعى، ەنەرگەتيكا، ەكولوگيا، ترانزيتتىك-كولىك سالاسىنداعى جانە ت.ب. ءوزارا ءىس-قيمىل ماسەلەلەرى ەگجەي-تەگجەيلى تالقىلاندى. ءوزارا ساۋداداعى تاۋارلار نومەنكلاتۋراسىن كەڭەيتۋ، جاڭا ينۆەستيسيالىق جانە كووپەراسيالىق جوبالاردى ىسكە قوسۋ جونىندەگى جۇمىستى جالعاستىرۋ جونىندە ۋاعدالاستىقتارعا قول جەتكىزىلدى.
قازاق-وزبەك شەكاراسىندا ەكى ەلدىڭ ونەركاسىپ سالاسىنداعى ءتيىمدى ءوزارا ءىس-قيمىلىنا سەرپىن بەرەتىن «ورتالىق ازيا» حالىقارالىق ونەركاسىپتىك كووپەراسيا ورتالىعىن سالۋدىڭ ماڭىزدىلىعى ەرەكشە اتاپ ءوتىلدى.
كەزدەسۋ قورىتىندىسى بويىنشا مەملەكەتارالىق ىنتىماقتاستىقتى ودان ءارى دامىتۋ ءۇشىن ەكى ەلدىڭ ۇكىمەتتەرى بەلسەندى جۇمىستى جالعاستىرۋعا دايىن ەكەندىگى ايتىلدى.