مينيستر ۇندەۋ جاسادى
دۇنيەجۇزىلىك دەنساۋلىق ساقتاۋ ۇيىمىنىڭ باس حاتشىسى تەدروس گەبرەيەسۋس العاشقى مەديسينالىق سانيتارلىق جاردەمدى دامىتۋ بويىنشا قازاقستان باستامالارىنا قولداۋ ءبىلدىردى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
بۇل تۋرالى دەنساۋلىق ساقتاۋ ءمينيسترى اجار عينياتپەن وتكەن كەزدەسۋدە بەلگىلى بولدى.
ۇيىم باسشىسىنىڭ مالىمدەۋىنشە، پاندەميالاردىڭ الدىن الۋ مەن ولارعا اسەر ەتۋ ىسىندە العاشقى مەديسينالىق سانيتارلىق جاردەمگە باسىمدىق بەرلۋى كەرەك.
مينيستر تەدروس گەبرەيەسۋستى قىزمەتىنە ەكىنشى مەرزىمگە سايلانۋىمەن قۇتتىقتادى. دۇنيەجۇزىلىك دەنساۋلىق ساقتاۋ اسسامبلەياسىنىڭ 75-سەسسياسىندا اجار عينيات قازاق تىلىندە حالىقارالىق قاۋىمداستىققا ۇندەۋ جاساپ، قازاقستاننىڭ تۇراقتى دامۋ ماقساتىنا جەتۋگە مۇددەلى ەكەنىن مالىمدەدى.