ساپەرلار ءقاۋىپتى زاتتى سىرتقا شىعارىپ، اۋلا ىشىندە جارعان
مەكتەپكە بارعىم كەلمەيدى. ءبىلىم ورداسىنا جارىلعىش زات قويعان وقۋشى قىز بۇل ارەكەتكە نە ءۇشىن بارعانىن وسىلاي ءتۇسىندىردى، دەپ حابارلايدى Almaty-akshamy.kz Almaty.tv-گە سىلتەمە جاساپ.
كەشە كەشكە كوكشەتاۋداعى №2 مەكتەپ-ليسەيىنەن كۇدىكتى زاتتى بايقاعان قىزمەتكەرلەر بىردەن ءتارتىپ ساقشىلارىنا حابارلاسقان. ساپەرلار دەر كەزىندە ءقاۋىپتى زاتتى سىرتقا شىعارىپ، اۋلا ىشىندە جارعان.
«تابىلعان زات تەمىر سىمدارى بار، قولدان جاسالعان جارىلعىش زاتقا ۇقسايدى. وقيعا ورنىنا بارعان پوليسەيلەر مەن ماماندار ونى عيماراتتان شىعارىپ، مەكتەپ اۋلاسىندا جارۋ تۋرالى شەشىم قابىلداعان. ابىروي بولعاندا ول كەزدە مەكتەپتە ەشكىم بولمادى. ءقازىر بۇل ءىستى ۇيىمداستارعان وقۋشى قىزدى پروفيلاكتيكالىق ەسەپكە قويۋ تۋرالى ماسەلەنى قاراستىرىپ جاتىر»، – دەدى وبلىستىق پوليسيا دەپارتامەنتىنىڭ رەسمي وكىلى ءاسيما ءابدىراحمانوۆا.