الماتىدا 26 مامىر كۇنى الەمگە ايگىلى ءانشى، ق ر حالىق ءارتىسى ديماش قۇدايبەرگەننىڭ D&Dears اتتى فان-كەزدەسۋى ءوتتى. مىڭداعان جانكۇيەر سۇيىكتى ءارتىسىن كورۋ ءۇشىن شەكارا مەن قاشىقتىقتى ەڭسەرىپ كەلگەن. الەمنىڭ تۇكپىر-تۇكپىرىنەن كەلگەن تىڭدارماندارىن Almaty Arena-عا جيناعان ءانشىنىڭ كەشى كۇتپەگەن جايتتارعا تولى بولدى. بۇل جولعى كەزدەسۋ نەسىمەن ەرەكشەلەندى؟ اqshamnews.kz ءتىلشىسى ماتەريالدا تارقاتادى.
40 مەملەكەتتىڭ تىڭدارماندارىن توعىستىرعان جۇرەك
ديماشتى كورۋگە 40 مەملەكەتتەن جانكۇيەرلەرى جينالدى. ولار اقش، جۇڭگو سىندى الپاۋىت ەلدەردەن باستاپ، بەلگيا، شۆەيساريا، فارنسيا جانە تاعى دا باسقا جەرلەردەن كەلگەن. ولار سۇيىكتى انشىسىنە دەگەن شەكسىز قۇرمەتىن ءبىلدىرىپ، ارنايى ەستەلىك سىيلىقتار مەن گۇل شوقتارىن الا كەلگەن.
سۋرەتتە: قىتايلىق Dears اتىنان ديماشقا گۇل شوعى
ديماشتىڭ شىنايى جانكۇيەرلەرىن، ياعني Dears-تى الىستان تانۋعا بولادى. نەگە دەسەڭىز، ولار ەرەكشە وبرازدارىمەن بىردەن كوزگە تۇسەدى. تىڭدارماندار ديماشتىڭ بەينەسى بار كيىمدەر كيىپ، ەسىمى جازىلعان پلاكاتتار ۇستاپ سۇيىكتى ارتىسىمەن كەزدەسۋدى اسىعا كۇتتى.
سۋرەتتە: نيۋ-يوركتان كەلگەن جانكۇيەرلەر
ال بۇل ديماشتىڭ فرانسيادان كەلگەن جانكۇيەرى - ۋەندي. ول سۇيىكتى ءانشىسىنىڭ قۇرمەتىنە دەنەسىنە 5 تاتۋ سالدىرعان.
"مەن ديماشتى وتە قاتتى سىيلايمىن، قۇرمەتتەيمىن. ونىڭ قاراپايىمدىلىعى، مىنەزى، بولمىسى كەز كەلگەن ادامدى عاشىق ەتپەي قويمايدى. وعان ارناپ وسىنداي تاتۋ سالدىرۋىم، وعان دەگەن قۇرمەتىمنىڭ بەلگىسى. ونىڭ "Sky" دەگەن ءانى مەنى ەرەكشە شابىتتاندىردى. سول ءۇشىن وسىنداي وزىمە ماڭگىگە بەلگى قالدىردىم" دەدى ول.
ديماشپەن كەزدەسۋگە قازاقستاننىڭ ءتۇرلى قالالارىنان دا ءانشىنىڭ قۇرمەتتىلەرى (Dears - ەسك.) جينالعان. ولار دا ديماشقا دەگەن ماحابباتتارىن ءسوزسىز-اق، دالەلدەپ تۇر.
تالدىقورعاننان كەلگەن جانكۇيەر اتامىز 95 جاستاعى اناسىنىڭ ديماشقا جازعان حاتىن الا كەلىپتى. وندا اناسى ديماشقا ىزگى نيەتىن جەتكىزىپ، ۇيلەنۋ كەرەكتىگى جايلى جازعان دەيدى اتا:
"مەنىڭ انام دا ديماشتىڭ جانكۇيەرى. ماعان "ديماشقا بەر" دەپ ارنايى حات بەرىپ جىبەردى. "ءوزىڭ سياقتى ادەمى، تالانتتى، اناڭ سۆەتلانا سياقتى يناباتتى، تاربيەلى قىزدى تاۋىپ، ۇيلەن" دەپ جازىپ جىبەرگەن ەكەن. اماناتتاپ تابىستاعان سوڭ، ديماشقا بەرۋ پارىزىم" دەيدى اتا.
ديماشتىڭ تىڭ جاڭالىقتارى
فان-كەزدەسۋ ديماشتى 24 مامىر كۇنى وتكەن تۋعان كۇنىمەن قۇتتىقتاۋدان باستالدى. سۇحباتتاسۋ بارىسىندا ديماش ۆيكتورينالىق سۇراقتارعا جاۋاپ بەرىپ، ءبىلىمىن دە سىنعا سالدى. سونداي-اق، ول كوپشىلىكپەن كوپتەن كۇتكەن جاڭالىعىن ءبولىستى.
"بۇيىرسا مەندە ءبىر قۋانىشتى جاڭالىق بار. الداعى جىلى قىتايدىڭ تانىمال Hunan TV تەلەارناسىمەن بىرلەسىپ ءىرى حالىقارالىق پروديۋسەرلىك جوبامدى جارىققا شىعارامىن. بۇل – الەمنىڭ تۇكپىر-تۇكپىرىنەن تالانتتى ورىنداۋشىلار قاتىساتىن جاڭا ءان بايقاۋى بولادى. اتالعان جوبادا مەن قازىلار القاسىنىڭ قۇرامىندا بولامىن" دەدى ديماش قۇدايبەرگەن.
اڭگىمە بارىسىندا ديماش ق ر حالىق ءارتىسى بيبىگۇل تولەگەنوۆاعا قوڭىراۋ سوعىپ، باتاسىن الدى. بيبىگۇل اپامىز دا ديماشتى تۋعان كۇنىمەن قۇتتىقتاپ، تىلەك ءبىلدىردى.
سونداي-اق، ديماش قۇدايبەرگەن ورىندايتىن تىڭ تۋىندى "تاۋ ىشىندە" انىنە جاريالاعان چەللەندجدىڭ جەڭىمپازدارى بەلگىلى بولدى. ولار - №58 مەكتەپ ديرەكتورى اقمونشاق نۇرتازا جانە چيليلىك جانكۇيەر اندرەا. جەڭىمپازداردىڭ ۆيدەوسى جەلىدە ەڭ كوپ قارالىم جيناعان. ولار ەندى ديماشتىڭ ەۋروپادا وتەتىن كونسەرتىنە باراتىن بولادى.
كەشتە تاعى ءبىر ەرەكشە وقيعا بولدى. "بالقاديشا" ءانىن ورىنداپ، جەلىدە تانىلعان يسا بەكبولات تا كەزدەسۋدە توبە كورسەتتى. ول ديماشتىڭ شاقىرتۋىمەن الماتىعا ارنايى كەلىپ، 10 مىڭ ادامنىڭ الدىندا ءان شىرقادى.
قازاقستاندىق ارتىستەر ديماشتىڭ اندەرىن ورىندادى
جانكۇيەرلەرمەن كەزدەسۋ كونسەرتتىك باعدارلاماعا ۇلاستى. ديماشتىڭ ايگىلى اندەرىن قازاقستاندىق جۇلدىزدار داستان ورازبەكوۆ، سادراددين، ساكەن مايعازييەۆ، ەرنار اماندىق، اقبوتا-نۇر، كەشيۋ، زارينا التىنبەكوۆا وزگەشە ينتەرپرەتاسيادا ورىنداپ شىقتى. ارتىنشا ديماش تا رەپەرتۋارىنداعى جاڭا اندەرىن شىرقاپ، حالىقتىڭ قوشەمەتىنە بولەندى.
سۋرەتتەر: اqshamnews.kz/نۇربول ىنتىماق ۇلى