وتكەن جىلى نۇراسىل بولات بۇزاقىلىق نيەتپەن قاساقانا ەكى ادامنىڭ دەنساۋلىعىنا ورتاشا زيان كەلتىردى دەپ ايىپتالعان بولاتىن.
2023 جىلدىڭ قازان ايىندا سوت بۇل ءىس بويىنشا ۇكىم شىعارىپ، دەپۋتات داۋلەت تۇرلىحانوۆتىڭ ۇلىنا 1 725 000 تەڭگە كولەمىندە ايىپپۇل سالدى.
سونىمەن قاتار زارداپ شەككەندەردىڭ پايداسىنا 1 ملن تەڭگە كولەمىندە مورالدىق وتەماقى وندىرۋگە شەشىم شىعارعان.
بۇگىن زاڭگەر اننا دميترييەۆيچ الەۋمەتتىك جەلىدەگى پاراقشاسىندا جوعارعى سوتتىڭ ءىستى قايتا قاراپ، نۇراسىل بولات 2 جىلعا باس بوستاندىعىن شەكتەۋ جازاسىن العانىن جازدى.
بۇل ونىڭ شەتەلگە شىعۋىنا، كلۋبتار مەن بارلارعا بارۋىنا، ىشىمدىك ىشۋىنە جانە باسقا دا قىلمىسقا بارۋعا بولمايتىنىن بىلدىرەدى. ول پروباسيا قىزمەتىنە حابارلاپ، كۇن سايىن ساعات 23:00-دە ۇيىندە بولۋى كەرەك، - دەپ جازدى ديميترييەۆيچ.