قازاقستان رەسپۋبليكاسى مەملەكەتتىك ورتالىق مۋزەيى يران يسلام رەسپۋبليكاسىنىڭ ەلشىلىگىمەن بىرلەسە وتىرىپ «يران تاريحى، مادەنيەتى جانە بۇگىنى» اتتى ونلاين-كورمەنى ۇسىندى.
كورمەدە يران حالقىنىڭ سان عاسىرلىق تاريحى مەن باي مادەنيەتىنىڭ ءار ءتۇرلى اسپەكتىلەرىن بەينەلەيتىن بىرەگەي فوتوماتەريالداردى جۇرتشىلىق نازارىنا ۇسىندى. سونىمەن قاتار يراننىڭ ءار ءتۇرلى سالالارداعى، ياعني ونەر، ساۋلەت ونەرى، سپورت پەن تۋريزم، ەكونوميكا جانە ت.ب. سالالارداعى قازىرگى جەتىستىكتەرىمەن تانىستىردى.
فوتوسۋرەتتەردە بەحيستۋن سىنا جازۋى، پەرسەپوليس، ءفيردوۋسيدىڭ ءقابىرى سىندى تەك ەجەلگى جانە قازىرگى زامانعى مادەني جانە تاريحي نىساندار عانا ەمەس، سونىمەن قاتار ارحيتەكتۋرالىق جانە ءدىني قۇرىلىمدار بەينەلەندى. فوتوسۋرەتتەردىڭ كوپشىلىگىندە ۇرپاقتان-ۇرپاققا مۇرا بوپ كەلە جاتقان يران حالقىنىڭ ءداستۇرلى تۇرمىس-تىرشىلىگى، مادەني راسىمدەرى مەن قولونەرى تۋرالى ايتىلادى.
يراننىڭ ءداستۇرلى كوستيۋمى مەن زەرگەرلىك بۇيىمدارى ۇلكەن قىزىعۋشىلىق تۋدىردى. كەيبىر فوتوسۋرەتتەر قازىرگى يراندا تۇراتىن تۇرىكمەندەر، كۇردتەر جانە ت.ب.حالىقتاردىڭ مادەنيەتىنە ارنالعان. سونداي-اق فوتوكورمەدە يراننىڭ قازىرگى الەۋمەتتىك-ەكونوميكالىق جانە ساياسي دامۋ ەرەكشەلىكتەرى كورسەتىلەدى.
ەكى ەلشىلىكتىڭ بىرلەسىپ دايىنداعان كورمەسى ق ر موم الەۋمەتتىك جەلىلەردەگى - facebook پەن instagram پاراقشالارىنان تانىسا الاسىزدار. انىقتاما تەلەفوندارى: ق ر سگم 264-46-50، 264-55