پاۆلودار قالاسىنان گوسترولدىك ساپارمەن كەلگەن «سامال» قوعامدىق قاۋىمداستىق رەابيليتاسيا ورتالىعىنا قاراستى «تريۋمف» ينكليۋزيۆتى ەكولوگيالىق-بەيبىتشىلىككە باعىتتالعان اۋەسقوي تەاترى الماتى قالاسىندا ەكولوگيالىق-بەيبىتشىلىك تاقىرىبىندا «SOS جەر» قويىلىمىن وتكىزدى.
ءىس-شارانىڭ باستى ماقساتى – قورشاعان ورتانى قورعاۋ مەن بەيبىتشىلىكتى ناسيحاتتاۋ ارقىلى قوعامنىڭ الەۋمەتتىك جاۋاپكەرشىلىگىن ارتتىرۋ، سونداي-اق مۇمكىندىگى شەكتەۋلى جانداردىڭ شىعارماشىلىق الەۋەتىن دامىتۋ جانە ينكليۋزيا مادەنيەتىن كەڭىنەن تاراتۋ بولدى.
ءىس-شاراعا "اۋىل" پارتياسىنىڭ الماتى قالالىق فيليالى دا بەلسەنە قاتىسىپ، ينكليۋزيۆتى تەاتر ۇجىمىنىڭ باستاماسىن قولداپ، ونەرپازدارعا ەستەلىك سىيلىقتار تابىستادى.
"سامال" ورتالىعىنىڭ جەتەكشىسى زينايدا دميترييەۆنا باگنەنكو قويىلىمنىڭ وتۋىنە اتسالىسقانى ءۇشىن «اۋىل» پارتياسى الماتى قالاسى فيليالىنا العىسىن ءبىلدىردى.