دارى-دارمەك باعاسىنىڭ وسۋىنە جول بەرمەۋ ءۇشىن شەكتى باعالار بەلگىلەندى
ەلدەگى دارى-دارمەك باعاسى قالاي رەتتەلەتىنىن ورتالىق كوممۋنيكاسيالار قىزمەتىندە وتكەن بريفينگتە دەنساۋلىق ساقتاۋ ۆيسە-مينيسترى جاندوس بۇركىتبايەۆ مالىمدەدى، دەپ حابارلايدى Almaty-akshamy.kz.
ۆيسە-مينيستر دارى-دارمەك باعاسىنىڭ وسۋىنە جول بەرمەۋ ءۇشىن ۆەدومستۆو شەكتى باعالار بەلگىلەيتىنىن ايتتى.
«بۇل ماسەلە دەنساۋلىق ساقتاۋ مينيسترلىگىنىڭ 2021 جىلعى 29 جەلتوقساندا قابىلدانعان بۇيرىعىمەن رەتتەلەدى، شەكتى باعالار دارىلىك زاتتاردىڭ 770 اتاۋى بويىنشا بەلگىلەنگەن. ەگەر تالداۋعا توقتالساق، دارىلىك زاتتاردىڭ 90%-نا باعا كوتەرىلگەن جوق. 10 پايىزىندا (300-دەن استام ءدارى) باعا كوتەرىلدى، ءبىراق ءبىز الەمدىك نارىقتى تالداۋعا سۇيەندىك، وندا باعا كوتەرىلدى. ولاردى قازاقستان نارىعىنان جوعالتپاۋ ءۇشىن ءبىز باعانىڭ وسۋىنە كەلىسۋگە ءماجبۇر بولدىق. ال 6 600 دارى-دارمەك بويىنشا (بۇل 90%) باعا وسكەن جوق. ونىڭ ۇستىنە، كەيبىر پوزيسيالار بويىنشا باعا 14%-عا تومەندەدى»، - دەدى ۆەدومستۆو وكىلى.