دارىگەرلەردىڭ قاتەلىگىنەن زارداپ شەككەندەرگە وتەماقى تولەنۋى مۇمكىن

ەلدە دارىگەرلەردى جازالاۋ جەڭىلدەۋى مۇمكىن.

ناۋقاستىڭ دەنساۋلىعىنا ابايسىزدا زاقىم كەلتىرگەن مەديسينا قىزمەتكەرلەرىنە قىلمىستىق جاۋاپكەرشىلىكتى ازايتۋ قارالىپ جاتىر، دەپ حابارلايدى Almaty-akshamy.kz 

ويتكەنى مەديسينا – جاۋاپتى سالا. دارىگەرلەرگە ارتىلاتىن جۇك اۋىر. ءبىراق ولاردىڭ ەڭبەگى ءتيىستى دەڭگەيدە باعالانباي وتىر. جىل سايىن 300-گە جۋىق ءىس قوزعالادى. ونىڭ 30 پايىزى عانا دارىگەرلەردىڭ كىناسى ەكەنى دالەلدەنگەن. سالدارىنان كوپ بىلىكتى مامان جۇمىستان كەتىپ جاتىر. وسى ولقىلىقتاردى رەتتەۋ ءۇشىن دەنساۋلىق ساقتاۋ مينيسترلىگى جاڭا زاڭ جوباسىن ازىرلەدى. مەديسينالىق وقيعا سالدارىنان زارداپ شەككەندەرگە وتەماقى تولەنۋى مۇمكىن. ول ءۇشىن اجار عينايات مەديسينا قىزمەتكەرلەرى قىزمەتىنە مىندەتتى ساقتاندىرۋ ەنگىزۋدى ۇسىندى.

«دارىگەرلەر، زاڭگەرلەر بولسىن، وسى باپتى الىپ تاستاۋىن سۇراعان بولاتىن. ءبىز بۇگىنگى زاڭ جوباسىندا دارىگەرلەردىڭ ادەيى ەمەس، وسى اۋرۋدىڭ نەمەسە وپەراسيانىڭ قيىن جاعدايىنا بايلانىستى، قاجەتتى اپپاراتتاردىڭ تاعى باسقا پروتوكول دەيمىز بولماعان كەزدە قولدانىلاتىن شترافتارىن نەمەسە باس بوستاندىعىن ايىرۋ جىلدارىن تومەندەتتىك»، - دەدى ق ر دەنساۋلىق ساقتاۋ ءمينيسترى اجار عينيات.