سولاردىڭ ءبىرى «تاۋلىگىنە ءبىر رەت بولسا دا سورپا ءىشۋ» كەرەك دەپ سانايتىندار از ەمەس. تاماقتانۋ راسيونىنا كەلگەندە ادامداردىڭ كوبى سۇيىق تاماق، ناقتىراق ايتقاندا سورپا ىشكەن پايدالىراق دەپ سانايدى. بۇنى جوققا شىعارۋدان اۋلاقپىز. دەگەنمەن، دارىگەرلەر بۇل – قاتىپ قالعان زاڭدىلىق ەمەس ەكەنىن ايتادى، دەپ حابارلايدى Almaty-akshamy.kz.
«بۇل ميف بىزگە بالا كەزدەن تانىس. سورپا ارقىلى ءيا، ءبىز تالشىق الامىز، ءبىز سۋ الامىز، ءبىراق ەگەر ءسىز تالشىق پەن سۋدى باسقا جولمەن الساڭىز، وندا سورپا ىشپەي-اق قويعاندا تۇرعان ەشتەڭە جوق. ءبىز بۇقتىرىلعان تاعامدى نەمەسە باسقا تاعامدى جەپ، ارتىنان سۋ نەمەسە باسقا ءبىر سۇيىقتىق ىشسەك، اسقازاندا ءبىزدىڭ اعزامىزعا قاجەت سورپا بار دەپ ساناي بەرۋگە بولادى»، - دەدى گاستروەنتەرولوگ ۆالەريا انتيۋفەيەۆا رەسەيدىڭ ءبىرىنشى ارناسىنىڭ «قايىرلى تاڭ» باعدارلاماسىندا.
ەكىنشى ميف – ارى-بەرى وتكەن سايىن، از-ازدان ءجيى تاماقتانۋ. باسقاشا ايتقاندا، تىسكەباسارلاردى جەي بەرۋ. كوپشىلىك مۇنىڭ دەنساۋلىق ءۇشىن زيانىن ايتسا، دارىگەر مۇنداي ادەتتىڭ پايدالى تۇسى دا بارىن ايتتى.
«دارىگەرلەر ءوت ديسكينەزياسى كەزىندە ءوت تولىپ قالعاندا، ونىڭ جۇمىسىن جاقسارتۋ ءۇشىن ءجيى تاماقتانۋدى ۇسىنادى، ءوتتىڭ «جالقاۋلانباي» جانە جامان ءوت ىركىلىسىنىڭ سىرتقا شىعارۋ ءۇشىن اۋىزدىڭ تىنباعانى دا جاقسى»، – دەدى مامان.
دارىگەرلەر از-ازدان ءجيى تاماقتانۋ ءۇشىن سۋسىندار، جەمىستەر-جيدەكتەر مەن كوگونىستەر تۇتىنۋدى ۇسىنادى.