الماتى قالاسىنىڭ قوعامدىق دەنساۋلىق ساقتاۋ باسقارماسى جاس فۋتبولشىنىڭ قازاسىنا بايلانىستى رەسمي اقپارات تاراتتى، دەپ حابارلايدى Aqshamnews.kz ءتىلشىسى.
ۆەدومستۆو مالىمەتىنشە، 2006 جىلى تۋعان ازامات وقيعا ورنىنان جەدەل جاردەممەن كلينيكالىق ءولىم جاعدايىندا جەتكىزىلگەن. اۋرۋحاناعا تۇسكەن ساتتە ناۋقاستا تىرشىلىك بەلگىلەرى بايقالماعان: تامىر سوعىسى مەن قان قىسىمى انىقتالماي، قاراشىقتارى كەڭەيگەن. دارىگەرلەر بىردەن رەانيماسيالىق شارالارعا كىرىسىپ، بارلىق مۇمكىن ادىستەردى قولدانا وتىرىپ 30 مينۋت بويى ءومىرىن ساقتاپ قالۋعا تىرىسقان، الايدا كورسەتىلگەن كومەكتەرگە قاراماستان بيولوگيالىق ءولىم تىركەلدى.
قايعىلى جاعدايدىڭ ناقتى سەبەپ-سالدارىن انىقتاۋ ءۇشىن مارقۇمنىڭ دەنەسى سوت-مەديسينالىق ساراپتاماعا جىبەرىلدى. باسقارما وكىلدەرى مارقۇمنىڭ جاقىندارىنا كوڭىل ايتىپ، قايعىعا ورتاقتاستى.
«ءحان-تاڭىرى» كلۋبى دا ويىنشىعا العاشقى مەديسينالىق كومەكتىڭ دەر كەزىندە كورسەتىلگەنىن حابارلادى. كلۋبتىڭ مالىمەتىنشە، ستاديوندا جەدەل جاردەم بريگاداسى كەزەكشىلىك ەتىپ، فۋتبولشىعا جەدەل كومەك كورسەتىلگەن، ال جەدەل جاردەم كولىگى ونى ءتورت مينۋت ىشىندە اۋرۋحاناعا جەتكىزگەن. دەگەنمەن، دارىگەرلەردىڭ بارلىق ارەكەتىنە قاراماستان، ويىنشىنى امان الىپ قالۋ مۇمكىن بولماعان.