1 مامىردان باستاپ مەديسينا قىزمەتكەرلەرىنىڭ كاسىبي مىندەتتەرى جەڭىلدەتىلدى، دەپ حابارلايدى Almaty-akshamy.kz
"قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ زاڭدىق جانە قارجىلىق قورعاۋ جۇيەسىن ەنگىزۋگە جانە مەديسينا قىزمەتكەرلەرىنىڭ جاۋاپكەرشىلىگىن ارتتىرۋعا باعىتتالعان.
مەديسينالىق نەمەسە فارماسيەۆتيكالىق قىزمەتكەردىڭ كاسىبي مىندەتتەرىن ورىنداماعانى جانە تيىسىنشە ورىنداماعانى ءۇشىن، ەگەر بۇل ارەكەتتەر ابايسىزدا ادام دەنساۋلىعىنا ورتاشا اۋىرلىقتاعى زيان كەلتىرۋگە اكەپ سوقسا، 100 اەك (369 200 تەڭگە) دەيىنگى مولشەردە ايىپپۇل تولەيدى، نە بولماسا سول مولشەردە تۇزەۋ جۇمىستارى، نە قوعامدىق جۇمىستارعا جەگىلەدى. نە بولماسا 100 ساعات نەمەسە 30 تاۋلىككە دەيىن قاماۋعا الۋ جازاسى قولدانىلادى.
ەگەر ابايسىزدا ناۋقاستىڭ دەنساۋلىعىنا اۋىر زيان كەلتىرىلسە، 2000 اەك (7 384 000 تەڭگە) دەيىنگى مولشەردە ايىپپۇل سالۋعا، نە سول مولشەردە تۇزەۋ جۇمىستارىنا، نە بولماسا ەكى جىلعا دەيىنگى مەرزىمگە باس بوستاندىعىن شەكتەۋگە نەمەسە باس بوستاندىعىنان ايىرۋ جازاسى تاعايىندالادى.
ەگەر مەديسينا قىزمەتكەرلەرىنىڭ ىس-ارەكەتتەرى ابايسىزدا ادامنىڭ ولىمىنە اكەپ سوقتىرسا، وندا ءتورت جىلعا دەيىنگى مەرزىمگە باس بوستاندىعىن شەكتەۋ، ەكى نەمەسە ودان دا كوپ ادامنىڭ قايتىس بولۋى - التى جىلعا دەيىنگى مەرزىمگە باس بوستاندىعىن شەكتەۋ نە سول مەرزىمگە باس بوستاندىعىنان ايىرۋ كوزدەلگەن.