دارىگەر ۇزاق ءومىر ءسۇرۋدىڭ قۇپياسىن اشىپ ايتتى

نەيروحيرۋرگ ستيۆەن لۋ ۇزاق ءومىر ءسۇرۋدىڭ باستى قاعيداتىن اشىپ ايتتى، - دەپ حابارلايدى aqshamnews.kz ءتىلشىسى Daily Mail باسىلىمىنا سىلتەمە جاساپ.

لۋدىڭ ايتۋىنشا، كوپ ادام ساۋ بولۋدىڭ "جىلدام" جولىن ىزدەيدى. الايدا ونىڭ ويىنشا، ارىقتاۋ مەن زيان ادەتتەردەن باس تارتۋ ۇزاق ءومىر سۇرۋگە كەپىل بولا بەرمەيدى.

"دەنساۋلىق قارجى كاپيتالىنا ۇقسايدى. ونى قۇرۋ ءۇشىن كۇن سايىن ەڭبەك ەتىپ، بايلىقتى بىرتىندەپ جيناۋ كەرەك. دەنساۋلىق تا ءدال سولاي، از-ازدان جينالادى"، - دەيدى دارىگەر.

ول ءوز باسىندا ءبىرىنشى كەزەكتەگى باسىمدىق – ۇيقى، ودان كەيىن فيزيكالىق بەلسەندىلىك پەن دۇرىس تاماقتانۋ ەكەنىن اتاپ ءوتتى. لۋدىڭ پىكىرىنشە، قوسىمشا پايدا اكەلەتىن تاعى ءبىر نارسە – اشىعۋ، ياعني 8–12 ساعات تاماقتانباي ءجۇرۋى. مۇنداي ۇزىلىستەردى كەيبىر ديەتولوگتار ۇسىنعانداي تاڭەرتەڭ ەمەس، كەشكە جانە تۇندە جاساعان دۇرىس.

بيولوگيالىق قارتايۋدى جەدەلدەتەتىن تاعى ءبىر ماڭىزدى فاكتور رەتىندە دارىگەر بالا تۋۋدى اتادى. الايدا، ونىڭ سوزىنشە، بالالار ادامعا دەنساۋلىعىنا كوبىرەك كوڭىل ءبولىپ، دۇرىس ءومىر سالتىن ۇستانۋعا كۇشتى تۇرتكى بولادى.