ۆاكسينانىڭ ەكى دوزاسى 91% ءتيىمدى
بۇل تۋرالى №22 الماتى ەمحاناسى باس دارىگەرىنىڭ ورىنباسارى اقەركە جومارت ايتتى، دەپ حابارلايدى Almaty-akshamy.kz Baq.kz-كە سىلتەمە جاساپ.
ونىڭ ايتۋىنشا، بالالارىن ۆاكسيناسيالاۋدان باس تارتقان اتا-انالار ولاردى قورعاۋدان ايىرادى.
«باسقا ءبىلىم الۋشىلارعا ءقاۋىپ توندىرەدى، بۇل ينفەكسيانىڭ ودان ءارى تارالۋىنا ىقپال ەتەدى. ال امەريكالىق ۆاكسيناعا توقتالار بولسام، Pfizer جاريالاعان زەرتتەۋلەر ۆاكسينانىڭ ەكى دوزاسى 91% ءتيىمدى جانە ءقاۋىپسىز ەكەنىن كورسەتەدى. ەگەر ولار كوروناۆيرۋسپەن اۋىرسا دا، بالالارعا انتيدەنەلەردى تەكسەرۋدىڭ قاجەتى جوق. اۋرۋدىڭ ناتيجەسىندە الىنعان يممۋنيتەت ۆاكسيناسيادان كەيىن الىنعان يممۋنيتەتكە قاراعاندا قىسقا بولادى دەپ سانالادى»، - دەپ اتاپ ءوتتى باس دارىگەردىڭ ورىنباسارى.
دارىگەردىڭ ايتۋىنشا، بۇگىنگى تاڭدا بالالار، جۇكتى جانە بالا ەمىزەتىن ايەلدەر اراسىندا ۆاكسينالاردىڭ ناشار توزىمدىلىگى تۋرالى ەشقانداي پىكىر جوق. ونىڭ مالىمەتىنشە، ولاردىڭ ەمحاناسىندا 12 قاراشادان باستاپ 139 ءجاسوسپىرىم، لاكتاسيا كەزىندە 22 ايەل جانە 25 جۇكتى ايەل ەكپە الدى.
اقەركە جومارت جۇكتى ايەلدەردى دارىگەرلەردىڭ ۇسىنىستارىنا قۇلاق اسىپ، جۇكتىلىكتىڭ 16-37 اپتاسى ارالىعىندا ەگۋ پۋنكتىنە كەلۋگە شاقىردى. ۆاكسينانى الۋ ايەلدى دە، ونىڭ بولاشاق بالاسىن دا قورعاۋ ءۇشىن قاجەت دەپ وتىر.