قازاقستاندا دارى-دارمەك باعاسى ءبىر جىلدا 13،6%-عا ءوستى.
جىل باسىنان بەرى دارى-دارمەك ءوندىرىسى 17 ملرد تەڭگەگە جەتكەن. ونىڭ 15،7 ملرد تەڭگەسى دارى-دارمەكتەرگە، 1،3 ملرد تەڭگەسى باسقا فارماسيەۆتيكالىق پرەپاراتتارعا تيەسىلى، -دەپ حابارلايدى اlmaty-akshamy.kz energyprom.kz پورتالىنا سىلتەمە جاساپ.
وتكەن جىلعى قاڭتارمەن سالىستىرعاندا، دارى-دارمەك ءوندىرىسى اقشالاي 61،3%-عا (جانە ناقتى ماندە 57،3% - عا)، باسقا فارماسيەۆتيكالىق پرەپاراتتار-22،9%-عا ءوستى (الايدا مۇندا ناقتى ءوسىم نەبارى 0،1%-دى قۇراعان).
جالپى، وتكەن جىلى دارى-دارمەك ءوندىرىسىنىڭ كولەمى 142 ملرد تەڭگەنى قۇراسا، 2021 جىلعى قاڭتار–جەلتوقسان ايلارىمەن سالىستىرعاندا قۇندىق ماندە 4،5%-عا از. ال باسقا فارماسيەۆتيكالىق پرەپاراتتار ءوندىرىسى بىردەن 2،4 ەسەگە، ياعني 17،9 ملرد تەڭگەگە دەيىن ازايعان.
انتيبيوتيك سەكىلدى فارماسيەۆتيكالىق پرەپاراتتاردىڭ وسىنداي ماڭىزدى سەگمەنتىندە وتاندىق كومپانيالار سۇرانىستى (ىشكى نارىقتا ساتۋ جانە ەكسپورت) بيىل 18،4%-عا قامتاماسىز ەتتى. اتالعان كورسەتكىش 2021 جىلى 14،8%-دى قۇراعان بولاتىن. سەكتورداعى ءوندىرىس ءبىر جىل ىشىندە ءبىر جارىم ەسەگە، 2022 جىلدىڭ قاڭتار–جەلتوقسانىندا 14،1 تونناعا دەيىن جوعارىلادى.
انتيبيوتيكتەردىڭ يمپورتى بىردەن 15،2%-عا، ياعني 62،4 تونناعا دەيىن ءوستى. ال، انتيبيوتيكتەردى ساتۋ ىشكى نارىقتا 20،4%-عا ءوسىپ، 76،5 توننانى قۇرادى.
پروۆيتاميندەر، دارۋمەندەرگە كەلەتىن بولساق، ءىس جۇزىندە بۇل نارىق رەسپۋبليكادا يمپورت ەسەبىنەن تولىق جابىلعان. وتاندىق فارماسيەۆتيكالىق كومپانيالار 2022 جىلى تەك 0،1 توننا ءونىم وندىرگەن. اتالعان كورسەتكىش 2021 جىلمەن بىردەي جانە سۇرانىستىڭ 0،03% عانا. بۇل رەتتە سەكتورداعى يمپورت 307 توننا پرەپاراتتى قۇراعان. وسىلايشا ءبىر جارىم ەسەگە ارتقان. قازاقستاننان شىعارىلعان پروۆيتاميندەر مەن دارۋمەندەردىڭ ەكسپورتى (بۇل جاعدايدا–رەەكسپورت) ءبىر جىلدا 2،7 ەسەگە قىسقارىپ، 2022 جىلعى قاڭتار-جەلتوقساندا 3،8 توننانى جەتكەن. ناتيجەسىندە، ىشكى نارىقتا ساتۋ كولەمى ءبىر جارىم ەسەگە ءوسىپ، 303،3 تونناعا جەتتى.
فارماسيەۆتيكالىق ءونىمنىڭ باعاسى 2023 جىلدىڭ اقپان ايىنىڭ قورىتىندىسى بويىنشا ءبىر ايدا 1،2%-عا ءوستى.
وتكەن جىلى فارماسيەۆتيكالىق ءونىم باعاسىنىڭ ەڭ ەلەۋلى ايلىق ءوسۋى ناۋرىز جانە ءساۋىر ايلارىندا (1،7%-عا)، ودان كەيىن قازان ايىنا (1،6%-عا) سايكەس كەلگەن ەدى.
جىلدىق ديناميكادا فارماسيەۆتيكالىق ءونىم 13،6%-عا قىمباتتادى، بۇل - 2017 جىلدىڭ قاڭتارىنان بەرگى جىلدىق ءوسىمنىڭ ەڭ جوعارى كورسەتكىشى.
وڭىرلىك بولىنىستە بيىلعى اقپان ايىنىڭ قورىتىندىسى بويىنشا فارماسيەۆتيكالىق ءونىمنىڭ جىلدىق قىمباتتاۋى الماتى وبلىسىندا 7،2%، الماتىدا 21،2%-عا دەيىن وزگەردى. ماڭعىستاۋ (18،3%-عا)، سولتۇستىك قازاقستان (15،4%-عا) جانە قىزىلوردا (15،3%-عا) وبلىستارىندا دا ايتارلىقتاي ءوسىم بايقالدى.