الماتى اكىمى دارحان ساتىبالدى اقاۋسىز جانە قاتتى زاقىمدانباعان جيەكتاستار مەن اسفالتتى اۋىستىرۋعا قاتىستى ەسكەرتۋ جاسادى، - دەپ حابارلايدى Aqshamnews.kz.
دارحان ساتىبالدى بوستاندىق اۋدانىنداعى جوبالاردىڭ جۇزەگە اسۋ بارىسىن تەكسەردى:
نازاربايەۆ داڭعىلى مەن گاندي كوشەسىنىڭ قيىلىسىنداعى سكۆەردىڭ جالپى اۋماعى 4،16 گا. قازىرگى ۋاقىتتا توعان سالىنىپ، ۇڭعىمالار بۇرعىلانىپ، ينجەنەرلىك جەلىلەر تارتىلىپ جاتىر. اكىم كوگالداندىرۋعا ەرەكشە كوڭىل ءبولۋدى تاپسىردى.
ءال-فارابي داڭعىلى بويىنداعى ەسەنتاي وزەنىندەگى كوپىردى جاڭارتۋ جۇمىستارى 60% اياقتالعان. جۇمىستار جاسىل جەلەكتى ساقتاۋ ءۇشىن ۋاقىتشا توقتاتىلعان، جوباعا ءتيىستى وزگەرىستەر ەنگىزىلگەن. اكىم نىساننىڭ قۇرىلىسى مەرزىمىندە اياقتالىپ، جاعالاۋ ايماعىنىڭ كوركەمدىك كەلبەتى ساقتالۋعا ءتيىس ەكەنىن ەسكەرتتى.
1 500 ورىندىق مەكتەپ قۇرىلىسى – ارلەۋ جانە كوركەيتۋ جۇمىستارى جۇرگىزىلىپ جاتىر. وقۋ جيھازدارى جەتكىزىلگەن. مەكتەپ جاڭا وقۋ جىلىندا پايدالانۋعا بەرىلەدى.
تورايعىروۆ كوشەسى بويىنداعى جاياۋ جۇرگىنشىلەر ايماعى – حقب اياسىندا جاسالعان. جۇمىس قازان ايىندا اياقتالادى. اۋماق كوگالداندىرىلىپ، تروتۋارلار، ۆەلوجولدار، سپورت جانە بالالار الاڭدارى جاڭارتىلىپ، جارىقتاندىرۋ جۇيەسى جۇرگىزىلەدى.
گاگارين داڭعىلىندا (جاندوسوۆ — اباي ارالىعى) كوركەيتۋ جۇمىستارى اياقتالدى. جاڭا ورىندىقتار قويىلىپ، جارىق شامدارى ورناتىلعان، سپورت الاڭدارى مەن سۋارۋ جۇيەلەرى قالپىنا كەلتىرىلگەن.
ءسوز سوڭىندا قالا اكىمى اقاۋسىز جانە ايتارلىقتاي بۇلىنبەگەن اسفالتتى اۋىستىرۋعا بايلانىستى ويىن ايتىپ، مۇنداي جۇمىستار شىنىمەن دە قاجەتتىلىك تۋىنداعان كەزدە عانا جۇرگىزىلۋى كەرەكتىگىن جاۋاپتى تۇلعالارعا قاتاڭ ەسكەرتتى.