استاناداعى «ىرىسكەلدى قاجى» مەشىتىنىڭ باس يمامى نۇرلان بايجىگىت ۇلى تەلەفوندى دۇرىس قولدانۋ ادەبى تۋرالى پىكىر ءبىلدىرىپ، دارەتحاناعا تەلەفونمەن كىرەتىندەردى سىنعا الدى. سونىمەن قاتار، ول ازاننىڭ داۋىسىن ستاندارتتى مۋزىكاعا اۋىستىرۋ ماسەلەسىن دە كوتەردى، دەپ حابارلايدى aqshamnews.kz
«تەلەفوندى قولدانۋدا ادەپتىلىك ساقتاۋىمىز كەرەك. ازاننىڭ داۋىسىن تەلەفونعا قويامىز، ءبىراق ونى دۇرىس قولدانبايمىز. كوپشىلىگىمىز تەلەفوندى دارەتحاناعا الىپ كىرەمىز. سول جەر ەڭ جايلى ورىن سەكىلدى. تىپ-تىنىش وتىرىپ، تەلەفون شۇقىلاۋعا قولايلى دەپ ويلايمىز. وقيتىن ەشتەڭە تاپپاساڭ، دارەتحانا قاعازىن الىپ وقيسىڭ، ءيىس شىعاراتىن قۇرالدىڭ قۇرامىن وقيسىڭ. ءسويتىپ H₂O دەگەندى جاتتاپ الاسىڭ. ەندى ازاننىڭ داۋىسى دارەتحانادا شىعىپ جاتسا، بۇل ءتىپتى سوراقى جاعداي. سول سەبەپتى ازاننىڭ داۋىسىن قاراپايىم مۋزىكاعا اۋىستىرۋدى سۇرايمىن»، – دەدى نۇرلان بايجىگىت ۇلى.
يمامنىڭ ايتۋىنشا، تەلەفوندى قولدانۋدا ادەپ ساقتاپ، ونىڭ قاسيەتتى مازمۇندارعا قاتىستى قولدانىلۋىنا جاۋاپكەرشىلىكپەن قاراۋ كەرەك. بۇل تۇرعىدا ازاننىڭ داۋىسىنا قۇرمەت كورسەتۋدى ەرەكشە اتاپ ءوتتى.