دانيا بارلىق شەكتەۋلەردى الىپ تاستادى

 پاندەمياسىز الەم

دانيا ەل تۇرعىندارىنىڭ 85% استامىن كوروناۆيرۋسقا قارسى ەگىپ، بارلىق شەكتەۋلەردى الا باستادى. بۇل تۋرالى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram-كانالىندا ايتىلدى، دەپ حابارلايدى Almaty-akshamy.kz سوronavirus2020.kz-كە سىلتەمە جاساپ

دانيا ەۋروپالىق وداق ەلدەرى اراسىندا كوروناۆيرۋسقا قارسى ۆاكسينالاۋدىڭ جوعارى دەڭگەيىن كورسەتۋدە. وسىلايشا ەل پاندەميا رەجيمىنەن شىعىپ، شەكتەۋلەردى الىپ تاستاۋدا.

بۇدان بىلاي ەل بيلىگى COVID-19 ۆيرۋسىن رەسمي تۇردە «ءقاۋىپتى اۋرۋ» دەپ سانامايدى دەپ مالىمدەدى. دۇكەندەر روجدەستۆو مەرەكەسىنە بەتپەردەسىز جانە الەۋمەتتىك قاشىقتىقسىز دايىندالۋدا. ءدامحانالار مەن مەيرامحانالارعا بارۋ ءۇشىن QR-كودتار مەن ۆاكسيناسيا سەرتيفيكاتى قاجەت ەمەس.

ەلدە 12 جاستان اسقان حالىقتىڭ 85% استامى تولىق ەگىلدى. 60 جاس توبىنداعى بارلىق دەرلىك تۇرعىن ۆاكسينا الدى. ايتا كەتۋ كەرەك، ۆاكسيناسيا بويىنشا مۇنداي جوعارى كورسەتكىش نورۆەگيا مەن شۆەسيادا دا بار. يزرايل ۇكىمەتى 5-11 جاس ارالىعىنداعى بالالاردى كوروناۆيرۋسقا قارسى ەگۋگە دايىندىق ءجۇرىپ جاتقانىن حابارلادى. دەنساۋلىق ساقتاۋ مينيسترلىگىندە ءتۇسىندىرۋ ناۋقانى بويىنشا دايىندىق جۇرۋدە.

تۇپكىلىكتى شەشىم اقش-تىڭ، اتاپ ايتقاندا، FDA ساراپتاما كوميسسياسىنىڭ 5 جاستان باستاپ 28 ميلليون امەريكالىق بالانى يممۋنداۋ ءۇشىن Pfizer ۆاكسيناسىن قولدانۋعا شۇعىل ليسەنزيا بەرۋ تۋرالى شەشىم قابىلداۋىنا قاتىستى بولماق. ەگەر ۆاكسينالاۋ اقش-تا ماقۇلدانسا، يزرايل دەنساۋلىق ساقتاۋ مينيسترلىگى دە بۇل ماسەلەگە رۇقسات بەرەتىن بولادى.