الماتى – تاۋەلسىزدىكتىڭ التىن بەسىگى

قالام تەربەۋشىلەرگە سەرپىن بولماق

قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي الماتى قالاسى اكىمدىگى مەن قازاقستان جازۋشىلار وداعى باسقارماسى «الماتى – تاۋەلسىزدىكتىڭ التىن بەسىگى» اتتى ادەبي بايقاۋ جاريالايدى، دەپ حابارلايدى Almaty-akshamy.kz

بايقاۋدىڭ شارتتارىمەن تومەندە تانىسا الاسىزدار.

• بايقاۋدى ۇيىمداستىرۋشى

الماتى قالاسى اكىمدىگى

قازاقستان جازۋشىلار وداعى

• بايقاۋدىڭ ماقساتى


• ەل تاۋەلسىزدىگىنىڭ 30 جىلدىق مەرەيتويىنا وراي تاۋەلسىزدىگىمىزدى دارىپتەۋ، ابىرويىن اسقاقتاتۋ، تاريحقا ءۇڭىلۋ، تاعزىم ەتۋ؛


• تاۋەلسىزدىگىمىزدىڭ كۋاگەرى، ەل تاريحىنىڭ باستاۋى جانە التىن قازىعى بولعان الماتىنىڭ بۇگىنگى بولمىسىن كورسەتۋ ءۇشىن اعا بۋىن قالامگەرلەردى دە، جاستاردى دا وسى بايقاۋعا تارتۋ.


• قازاق ادەبيەتىنىڭ قازىرگى الەۋەتىن بايقاتىپ، جاستاردىڭ شىعارماشىلىعىن تانىتۋ؛


• بايقاۋدىڭ وتەتىن ۋاقىتى


• بايقاۋعا وتىنىشتەردى قابىلداۋ جاريالانعان كۇننەن 2021 جىلدىڭ 26 قاراشاسىنا دەيىن جۇرگىزىلەدى.


• قابىلدانعان جۇمىستاردىڭ ىشىنەن ساراپشىلار شەشىمىمەن ىرىكتەلگەندەرى كەلەسى كەزەڭگە وتەدى.

• بايقاۋعا قاتىسۋشىلار


• ەل رۋحانياتى مەن قازاق ادەبيەتىنە ءوز ۇلەسىن قوسىپ جۇرگەن بارلىق قالامگەرلەر قاتىسا الادى. (جاسقا شەكتەۋ قويىلمايدى).

• بايقاۋدىڭ ەرەجەسى

• بايقاۋعا قاتىسۋشىلار «الماتى – تاۋەلسىزدىكتىڭ التىن بەسىگى» اتتى ورتاق تاقىرىپتا ادەبي جانرلارعا بايلانىستى تومەندەگىدەي اتالىم بويىنشا ب ا ق سىنايدى:

1. پوەزيا؛


2. پروزا؛


3. بالالار ادەبيەتى (پوەزيا نەمەسە پروزا)؛


4. دراماتۋرگيا.

• پوەزيا اتالىمى بويىنشا

ۇمىتكەرلەر بايقاۋعا ەكى ولەڭىمەن قاتىسادى:

• تاقىرىپقا بايلانىستى ءبىر ولەڭ؛


• ەركىن تاقىرىپتاعى ولەڭ.


• قاتىسۋشىعا قويىلاتىن تالاپتار:
  
  
  
  • بايقاۋعا قاتىسۋشى بەرىلگەن تاقىرىپ بويىنشا ءوزىنىڭ ءبىر ارناۋ ولەڭىمەن جانە ەركىن تاقىرىپتاعى ءبىر ولەڭىمەن قاتىسادى؛
  
  
  • ولەڭنىڭ كولەمى 3 بەتتەن اسپاۋ كەرەك (ا 4 فورماتىندا)؛
  
  
  • ولەڭنىڭ كوركەمدىگىنە، تاقىرىپتى اشۋىنا، وي ۇشقىرلىعىنا باستى نازار اۋدارىلادى؛
  
  
  • ولەڭ Microsoft Word تۇرىندە ( Times New Roman 14) جازىلىپ writerskz@gmail.com ەل.پوشتاسىنا جىبەرىلۋى كەرەك؛
  
  
  
  

• پروزا اتالىمى بويىنشا

قاتىسۋشىلار بەرىلگەن تاقىرىپ بويىنشا پروزالىق شىعارما جازادى.

جۇمىستىڭ كولەمى 10 بەتتەن اسپاۋى كەرەك؛

• قاتىسۋشىعا قويىلاتىن تالاپتار:


• ادەبي جانرعا ءتان قالىپتاردى ساقتاپ، كوركەم ماتىندە تاقىرىپتى اشۋ؛


• بايقاۋعا قاتىسۋشىلار ەلىمىزدىڭ بۇگىنگى تىنىس-تىرشىلىگى مەن وتىز جىل ىشىندەگى ءومىرىن سۋرەتتەگەن پروزالىق اڭگىمەلەرىن جولداي الادى. سونداي-اق، قازاقستان تاريحىن ارقاۋ ەتكەن اڭگىمەلەر دە قابىلدانادى؛


• شىعارما Microsoft Word تۇرىندە(Times New Roman 14) جازىلىپ writerskz@gmail.com ەل.پوشتاسىنا جىبەرىلۋى كەرەك؛

• بالالار ادەبيەتى اتالىمى بويىنشا

قاتىسۋشىلار بەرىلگەن تاقىرىپ بويىنشا پروزا نەمەسە پوەزيا اتالىمدارى بويىنشا بالالارعا ارنالعان شىعارمالارىن ۇسىنادى.

• قاتىسۋشىعا قويىلاتىن تالاپتار:


• ادەبي جانرعا ساي ەرەكشەلىكتەردى ساقتاي وتىرىپ، كوركەم ماتىندە تاقىرىپتى اشۋ؛


• جازىلعان جۇمىستىڭ كولەمى 5 بەتتەن اسپاۋى كەرەك (ا 4 فورماتىندا)؛


• شىعارمانىڭ جەلىسى تاۋەلسىزدىكپەن بايلانىستى بولۋى شارت؛


• شىعارما Microsoft Word تۇرىندە(Times New Roman 14) writerskz@gmail.com ەل.پوشتاسىنا جىبەرىلۋى كەرەك.

• دراما اتالىمى بويىنشا

ۇمىتكەر بەرىلگەن تاقىرىپ بويىنشا درامالىق شىعارماسىن ۇسىنادى.

• قاتىسۋشىعا قويىلاتىن تالاپتار:


• قاتىسۋشىلار اتالعان تاقىرىپتىق يدەيانىڭ نەگىزىندە ءوز شىعارمالارىن ۇسىنادى؛


• درامالىق شىعارما ءى اكتىلى نەمەسە ءىى اكتىلى بولا بەرەدى؛


• شىعارما Microsoft Word تۇرىندە(Times New Roman 14) writerskz@gmail.com ەل. پوشتاعا جىبەرىلۋى كەرەك.

جوعارىدا اتالعان اتالىمدار بويىنشا جىبەرىلگەن جۇمىستاردى ارنايى تاعايىندالعان ساراپشىلار تەكسەرۋدەن وتكىزىپ، ۇزدىك دەپ تانىلعان جۇمىستار قورىتىندى جيىندا ماراپاتتالادى.

ءار جانردى ساراپتاۋشىلار 3 ادامنان. جالپى سانى 15 ادام. (جابىق تۇردە)

• بايقاۋدىڭ ماراپاتتاۋ كەزەڭى


• بايقاۋعا قاتىسۋشىلاردى ماراپاتتاۋ كەشى الماتى قالاسى اكىمدىگىنىڭ جانە قازاقستان جازۋشىلار وداعى باسقارماسىنىڭ ۇيىمداستىرۋىمەن وتكىزىلەدى.


• ماراپاتتاۋ كەشىنە ەلىمىزگە بەلگىلى ادەبيەت وكىلدەرى مەن قوعام قايراتكەرلەرى قاتىسادى؛


• ءار نوميناسيا بويىنشا ءبىر عانا جەڭىمپاز انىقتالادى؛


• ءار اتالىم بويىنشا تاعايىندالعان قازىلاردىڭ شەشىمىمەن انىقتالعان ۇزدىك جۇمىستار رەسپۋبليكا كولەمىندە دارىپتەلەدى. (باق-دا، تەلە باعدارلامالاردا)

• بايقاۋعا قاتىسۋ شارتتارى


• بايقاۋعا قاتىسۋشىلار جازىلعان جۇمىسىمەن بىرگە تومەندە كورسەتىلگەن (قوسىمشا 1) ۇلگى بويىنشا وتىنىشتەرىن تولتىرىپ، ءوزىنىڭ اتالىمى بويىنشا ەلەكتروندى مەكەنجايعا جىبەرەدى.

قوسىمشا 1

ءوتىنىش بەرۋ ۇلگىسى

ەسكەرتۋ! ءوتىنىشتىڭ قاتە تولتىرىلعاندىعى ءۇشىن ۇيىمداستىرۋشىلار جاۋاپ بەرمەيدى.