رەسەي ەۋرازيالىق ەكونوميكالىق وداققا مۇشە ەلدەرگە ءداندى داقىلدار مەن قانت ەكسپورتىنا ۋاقىتشا تىيىم سالماق دەپ حابارلايدى اlmaty-akshamy.kz
بولجام بويىنشا، شەكتەۋ شارالارى 31 تامىزعا دەيىن كۇشىندە بولادى. ەكونوميكالىق دامۋ مينيسترلىگىنىڭ حابارلاۋىنشا، بۇل شەشىم ەلدىڭ ازىق-تۇلىك قاۋىپسىزدىگىن قامتاماسىز ەتۋ ءۇشىن قابىلدانىپ وتىر.
بيلىكتىڭ بۇل ۇسىنىسى 17 ناۋرىزدا وتەتىن ەۋرازيالىق ەكونوميكالىق كوميسسيانىڭ وتىرىسىندا قاراستىرىلماق. اۋىلشارۋاشىلىق مينيسترلىگىنىڭ مالىمەتى بويىنشا، ءقازىر رەسەي ءداندى داقىلدارمەن 150 پايىزعا قامتاماسىز ەتىلگەن.
ايتا كەتەيىك، رەسەيدە سوڭعى ءبىر اپتانىڭ ىشىندە بيدايدىڭ باعاسى 40 پايىزعا قىمباتتاعان. مۇنداي رەكوردتىق ءوسىم سوڭعى 14 جىلدا بولماعان دەيدى ساراپشىلار. ال Bloomberg اگەنتتىگىنىڭ مالىمەتىنە سايكەس، ۋكرايناداعى اسكەري قاقتىعىس الەمدىك بيداي ەكسپورتىنىڭ تورتتەن ءبىر بولىگىن قىسقارتىپ تاستاعان.