الماتىدا ءدامحانانىڭ جازعى الاڭىنا تاعى ءبىر اعاش قۇلادى. وقيعانى كۋاگەرلەر ۆيدەوعا ءتۇسىرىپ الدى، - دەپ حابارلايدى Almaty-akshamy.kz.
الەۋمەتتىك جەلىدە تارالعان ۆيدەودا قۇلاعان اعاش ءدامحانانىڭ جارتى بولىگىن جەرمەن جەكسەن ەتكەن.
ادامدار اعاش قۇلاماي تۇرىپ، ءدامحانادان شىعىپ ۇلگەردى. ۆيدەونىڭ سيپاتتاماسىندا وقىس وقيعا ورتالىق دەمالىس ساياباعىندا بولعانى ايتىلعان، دەپ جازدى Tengrinews.kz.
«جاقىن جەردە ورنالاسقان مەكەمەنىڭ ۇستىنە اعاش قۇلادى. جاقىن جەردە ادامدار مەن بالالار بولعان. كۋاگەردىڭ ايتۋىنشا، ەشكىم زارداپ شەككەن جوق»، - دەلىنگەن جازبادا.
«ماماندار ساياباق اۋماعىنا بارىپ، تەكسەرىس بارىسىندا كوپجىلدىق اعاشتىڭ قۇلاعانى انىقتالدى. زارداپ شەككەندەر جوق. اعاش ءدامحاناعا ىرگەلەس جاتقان «التىن تاراز» جشس-نە تيەسىلى.
الماتى قالاسىنىڭ جاسىل جەلەكتەرىن كۇتىپ،ۇستاۋ جانە قورعاۋ ەرەجەسىنە سايكەس مەنشىك يەسى كۇتىپ-باپتاۋ جۇمىستارىن، ونىڭ ىشىندە ىرگەلەس اۋماقتا ءوسىپ تۇرعان اعاشتاردى سانيتارلىق كەسۋدى جۇرگىزۋى ءتيىس. باسقارما اۋماقتىڭ يەسىنە سانيتارلىق كەسۋ جۇمىستارىن جۇرگىزۋگە ۇسىنىس جولدادى»، - دەپ ءتۇسىندىردى باسقارما.
ەسكە سالايىق، 25 مامىردا الماتىدا ءدامحانانىڭ جازعى الاڭىنا الىپ اعاش قۇلادى. قوناقتار اعاشتىڭ قۇلايتىنىن بايقاپ، قاشىپ ۇلگەرگەن.