بۇدان بۇرىن قازاقستان پرەزيدەنتىنىڭ ۆلاديمير پۋتينگە كوڭىل ايتقانىن حابارلاعانبىز.
داعىستان باسشىسى سەرگەي مەليكوۆ Telegram ارناسىندا 24، 25 جانە 26 ماۋسىم كۇندەرى ەلدە قارالى كۇن جاريالانعانىن مالىمدەدى، دەپ حابارلايدى Almaty-akshamy.kz
بەلگىلى بولعانداي، داعىستاندا ورنالاسقان مادەني مەكەمەلەر مەن تەلەراديوكومپانيالار بارلىق ويىن-ساۋىق شارالارى مەن باعدارلامالارىن توقتاتادى.
سونداي-اق، باسپا ءسوز قىزمەتىنىڭ حابارلاۋىنشا، ۇكىمەتكە قازا بولعانداردىڭ وتباسىلارى مەن زارداپ شەككەندەرگە كومەك كورسەتۋ بويىنشا قاجەتتى شارالاردى قابىلداۋ تاپسىرىلدى.
بۇعان دەيىن دەربەنتتەگى سيناگوگا مەن شىركەۋگە بەلگىسىز بىرەۋلەر وق اتقان، سونىمەن قاتار ماحاچكالادا جول پوليسياسى بەكەتىنە شابۋىل جاساعانى حابارلانعان بولاتىن. رەسەي تەرگەۋ كوميتەتىنىڭ داعىستان رەسپۋبليكاسى بويىنشا تەرگەۋ باسقارماسى رەسەي فەدەراسياسىنىڭ قىلمىستىق كودەكسىنىڭ 205 ("تەرروريستىك اكت") 1-باپ بويىنشا قىلمىستىق ءىس قوزعادى.
كەيىن ماحاچكالا مەن دەربەنتكە جاسالعان قارۋلى شابۋىلدىڭ كەسىرىنەن التى پوليسەيدىڭ قازا تاپقانى بەلگىلى بولدى. سوڭعى مالىمەتتەر بويىنشا، 15-تەن استام پوليسيا قىزمەتكەرى، سونداي-اق بىرنەشە بەيبىت تۇرعىن، سونىڭ ىشىندە ورىس پراۆوسلاۆيە شىركەۋىنىڭ ءدىني قىزمەتكەرى لاڭكەستىك ارەكەتتەردىڭ قۇربانى بولعان.