ددسۇ "وميكرون" شتامىنىڭ جاڭا ءتۇرىن باقىلاۋعا الىپ، زەرتتەۋ كەرەكتىگىن ايتتى.
Deutsche Welle باسىلىمنىڭ مالىمەتىنشە، ۇيىم كوروناۆيرۋستىڭ "وميكرون" شتامىنىڭ ەكى جاڭا كىشى ءتۇرىن باقىلاپ جاتىر. دۇنيەجۇزىلىك دەنساۋلىق ساقتاۋ ۇيىمى BA.4 جانە BA.5 شتامدارىنىڭ جۇقپالى ەكەنىن انىقتاۋ ءۇشىن باعالاۋ تىزىمىنە قوسقانىن ايتتى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
«ددسۇ قوسىمشا مۋتاسيالارعا بايلانىستى جاڭا كىشى تۇرلەردى باقىلاۋدى باستادى، ولاردىڭ يممۋندىق قورعانىس الەۋەتىنە اسەرىن ءتۇسىنۋ ءۇشىن قوسىمشا زەرتتەۋ قاجەت»، – دەلىنگەن حابارلامادا.
سونىمەن قاتار، ددسۇ باسشىسى تەدروس ادحانوم گەبرەيۋس الەمدە COVID-19 پاندەمياسىنىڭ ءالى اياقتالماعانىن ايتتى. ول سوڭعى اپتادا COVID-19-دان ءولىم سانى ازايىپ جاتقانىن، ءبىراق ۆيرۋس وتە جۇقپالى ەكەنىن، دامۋىن جالعاستىرىپ جاتقانىن ايتتى.
«COVID-19 پاندەمياسى ءالى اياقتالعان جوق. ول جۇعۋىن توقتاتپايىنشا، پاندەميا ەش جەردە اياقتالمايدى»، – دەدى ددسۇ باسشىسى.