Covid-19 ۆيرۋسىنىڭ ۇيقىعا اسەرى پوستكوۆيدتى سيندروم دەپ اتالاتىن جاعدايلار كەشەنىنىڭ بولىگى بولۋى مۇمكىن.
جۇڭگو زەرتتەۋشىلەرى COVID-19 پاندەمياسى كەزىندە ۇيقىنىڭ بۇزىلۋى 2-4 ەسە ارتقانىن، كوروناۆيرۋستىق ينفەكسيامەن اۋىراتىن ادامدار توبىندا ەڭ جوعارى كورسەتكىشتەر بايقالعانىن انىقتادى، دەپ حابارلايدى Almaty-akshamy.kz
عالىمدار 15 ەلدەن كەلگەن 26 539 ادامنىڭ دەرەكتەرىن تالدادى. ونلاين-ساۋالناما ۇيقىنىڭ بۇزىلۋى تۋرالى مالىمدەگەن ادامداردىڭ سانى COVID-19 پاندەمياسىنا دەيىن جۇرگىزىلگەن ۇقساس زەرتتەۋلەرگە قاراعاندا 2-4 ەسە كوپ ەكەنىن كورسەتتى.
ەڭ قىزىعى، COVID-19 ينفەكسياسىمەن اۋىراتىن ادامداردىڭ شامامەن 8%-ى ۇيقى پروبلەمالارى تۋرالى حابارلادى، ال كوروناۆيرۋسقا شالدىقپاعان ساۋالناماعا قاتىسۋشىلار اراسىندا بۇل كورسەتكىش تەك 3%-دى قۇرادى.
Covid-19 ۆيرۋسىنىڭ ۇيقىعا اسەرى پوستكوۆيدتى سيندروم دەپ اتالاتىن جاعدايلار كەشەنىنىڭ بولىگى بولۋى مۇمكىن. تەك ۆاكسينالاۋ جانە ريەۆاكسينالاۋ كوروناۆيرۋستىق ينفەكسيادان سەنىمدى قورعاۋدى قامتاماسىز ەتە الادى.